കോതമംഗലം: ഭൂതത്താൻകെട്ടിൽ ബിയർ ആൻഡ് വൈൻ പാർലർ തുറക്കാനുള്ള കെടിഡിസിയുടെ നീക്കത്തിന് തിരിച്ചടി. ലൈസൻസ് അപേക്ഷ പിണ്ടിമന പഞ്ചായത്ത് കമ്മിറ്റി വോട്ടിനിട്ട് തള്ളി.
എൽഡിഎഫ് അംഗങ്ങൾ കെടിഡിസിയുടെ ആവശ്യത്തെ പിന്തുണച്ചപ്പോൾ ഭരണകക്ഷിയായ കോണ്ഗ്രസ് എതിർത്തു. എൽഡിഎഫിലെ ആറ് അംഗങ്ങളുടെ വിയോജനകുറിപ്പോടെയാണ് കെടിഡിസിയുടെ അപേക്ഷ പഞ്ചായത്ത് കമ്മിറ്റി നിരസിച്ചത്. പുതിയ മദ്യശാലകൾക്ക് എൻഒസി നൽകേണ്ടതില്ലെന്ന കെപിസിസിയുടെ നിർദേശമുള്ളതിനാലാണ് കോണ്ഗ്രസ് അംഗങ്ങൾ അപേക്ഷയെ എതിർത്തത്.
ടൂറിസ്റ്റ് കേന്ദ്രമെന്ന നിലയിലാണ് ഭൂതത്താൻകെട്ടിൽ പാർലർ തുറക്കാൻ തീരുമാനിച്ചത്. സംസ്ഥാനത്ത് യുഡിഎഫ് ഭരണ കാലത്താണ് കെടിഡിസി ബിയർ പാർലർ സ്ഥാപിക്കാനുള്ള തീരുമാനമെടുത്തത്. ടൂറിസം വികസന പദ്ധതികളുടെ ഭാഗമായിരുന്നു തീരുമാനം.
പിന്നീടാണ് സർക്കാരിന്റെ മദ്യനയത്തിൽ മാറ്റമുണ്ടായതും കെപിസിസി മദ്യശാലകൾക്ക് എൻഒസി നൽകേണ്ടതില്ലെന്ന തീരുമാനം എടുത്തതും. ഭൂതത്താൻകെട്ടിൽ ടൂറിസം വകുപ്പിന്റെ ഫണ്ട് ഉപയോഗപ്പെടുത്തി ഒട്ടേറെ വികസനപ്രവർത്തനങ്ങൾ നടത്തിവരികയാണ്. ബിയർ പാർലറിനുള്ള കെട്ടിടവും ഇവിടെ ഒരുങ്ങുന്നുണ്ട്. ഈ സാഹചര്യത്തിൽ എൻഒസിക്കായി കെടിഡിസി പഞ്ചായത്തിനെ വീണ്ടും സമീപിക്കുമെന്നാണ് അറിയുന്നത്.
ടൂറിസ്റ്റ് കേന്ദ്രങ്ങളോട് അനുബന്ധിച്ച് മദ്യശാലകൾ തുറക്കുന്നവിധത്തിൽ സംസ്ഥാന സർക്കാരിന്റെ മദ്യനയത്തിലുണ്ടാകുന്ന മാറ്റം പഞ്ചായത്തിന്റെ എതിർപ്പിനെ ദുർബലപ്പെടുത്താനും സാധ്യതയുണ്ട്.
എൽഡിഎഫ് അംഗങ്ങൾ കെടിഡിസിയുടെ ആവശ്യത്തെ പിന്തുണച്ചപ്പോൾ ഭരണകക്ഷിയായ കോണ്ഗ്രസ് എതിർത്തു. എൽഡിഎഫിലെ ആറ് അംഗങ്ങളുടെ വിയോജനകുറിപ്പോടെയാണ് കെടിഡിസിയുടെ അപേക്ഷ പഞ്ചായത്ത് കമ്മിറ്റി നിരസിച്ചത്. പുതിയ മദ്യശാലകൾക്ക് എൻഒസി നൽകേണ്ടതില്ലെന്ന കെപിസിസിയുടെ നിർദേശമുള്ളതിനാലാണ് കോണ്ഗ്രസ് അംഗങ്ങൾ അപേക്ഷയെ എതിർത്തത്.
ടൂറിസ്റ്റ് കേന്ദ്രമെന്ന നിലയിലാണ് ഭൂതത്താൻകെട്ടിൽ പാർലർ തുറക്കാൻ തീരുമാനിച്ചത്. സംസ്ഥാനത്ത് യുഡിഎഫ് ഭരണ കാലത്താണ് കെടിഡിസി ബിയർ പാർലർ സ്ഥാപിക്കാനുള്ള തീരുമാനമെടുത്തത്. ടൂറിസം വികസന പദ്ധതികളുടെ ഭാഗമായിരുന്നു തീരുമാനം.
പിന്നീടാണ് സർക്കാരിന്റെ മദ്യനയത്തിൽ മാറ്റമുണ്ടായതും കെപിസിസി മദ്യശാലകൾക്ക് എൻഒസി നൽകേണ്ടതില്ലെന്ന തീരുമാനം എടുത്തതും. ഭൂതത്താൻകെട്ടിൽ ടൂറിസം വകുപ്പിന്റെ ഫണ്ട് ഉപയോഗപ്പെടുത്തി ഒട്ടേറെ വികസനപ്രവർത്തനങ്ങൾ നടത്തിവരികയാണ്. ബിയർ പാർലറിനുള്ള കെട്ടിടവും ഇവിടെ ഒരുങ്ങുന്നുണ്ട്. ഈ സാഹചര്യത്തിൽ എൻഒസിക്കായി കെടിഡിസി പഞ്ചായത്തിനെ വീണ്ടും സമീപിക്കുമെന്നാണ് അറിയുന്നത്.
ടൂറിസ്റ്റ് കേന്ദ്രങ്ങളോട് അനുബന്ധിച്ച് മദ്യശാലകൾ തുറക്കുന്നവിധത്തിൽ സംസ്ഥാന സർക്കാരിന്റെ മദ്യനയത്തിലുണ്ടാകുന്ന മാറ്റം പഞ്ചായത്തിന്റെ എതിർപ്പിനെ ദുർബലപ്പെടുത്താനും സാധ്യതയുണ്ട്.