കോതമംഗലം: ജില്ലാ ലൈബ്രറി കൗണ്‍സിലിന്‍റെ ആഭിമുഖ്യത്തിൽ ലൈബ്രറി കൗണ്‍സിൽ സെമിനാർ ഇന്ന് ഭൂതത്താൻകെട്ടിൽ നടക്കും. വാച്ച് ടവറിന് സമീപം രാവിലെ പത്തിന് "നമുക്ക് നഷ്ടമാകുന്ന പൊതു ഇടങ്ങൾ' എന്ന വിഷയത്തിൽ സെമിനാർ ആന്‍റണി ജോണ് എംഎൽഎ ഉദ്ഘാടനം ചെയ്യും. ജില്ലാ ലൈബ്രറി കൗണ്‍സിൽ പ്രസിഡന്‍റ് പി.ആർ. രഘു അധ്യക്ഷത വഹിക്കുന്ന യോഗത്തിൽ കവി ഏഴാച്ചേരി രാമചന്ദ്രൻ വിഷയാവതരണവും സംസ്ഥാന ലൈബ്രറി കൗണ്‍സിൽ പ്രസിഡന്‍റ് കെ.വി.കുഞ്ഞികൃഷ്ണൻ ആമുഖ പ്രഭാഷണവും നടത്തും. ജോണ് ഫെർണാണ്ടസ് എംഎൽഎ, ബ്ലോക്ക് പഞ്ചായത്ത് പ്രസിഡന്‍റ് റഷീദ സലിം, എസ്. രമേശൻ എന്നിവർ പ്രസംഗിക്കും.
