ശ്രീമൂലനഗരം: ശ്രീമൂലനഗരം മേഖല വുഡ് ഇൻഡസ്ട്രീസ് വെൽഫെയർ അസോസിയേഷന്റെ നേതൃത്വത്തിൽ ശ്രീമൂലനഗരം ഗവണ്മെന്റ് എൽപി സ്കൂളിൽ ഒരുക്കിയ ലൈബ്രറിയുടെ ഉദ്ഘാടനം അസോസിയേഷൻ ജില്ലാ പ്രസിഡന്റ് ബിജു പോൾ നെറ്റിക്കാടൻ നിർവഹിച്ചു. പഞ്ചായത്ത് പ്രസിഡന്റ് അൽഫോണ്സ വർഗീസ് അധ്യക്ഷത വഹിച്ചു. ലൈബ്രറിയുടെ താക്കോൽദാനം മേഖല പ്രസിഡന്റ് വി.ബി. സീനു നിർഹിച്ചു. കാഞ്ഞൂർ പഞ്ചായത്ത് പ്രസിഡന്റ് എം.പി. ലോനപ്പൻ, ശ്രീമൂലനഗരം മോഹൻ, വി.ബി. സിദിൽകുമാർ, ടി.ബി. ഗോപാലൻ, പിടിഎ പ്രസിഡന്റ് കെ.എ. നൗഷാദ്, വി.പി. സുകുമാരൻ, പ്രധാനാധ്യാപിക കെ.സി. വത്സ എന്നിവർ പ്രസംഗിച്ചു.