കൂത്തുപറമ്പ്: സമ്പൂർണ വൈദ്യുതീകരണ പദ്ധതിയിൽ പങ്കാളികളായി വിദ്യാർഥികളും. പിണറായി എകെജി മെമ്മോറിയൽ ഗവ. ഹയർ സെക്കൻഡറി സ്കൂൾ നാഷണൽ സർവീസ് സ്കീം വോളണ്ടിയർമാരാണു പിണറായി ഗ്രാമപഞ്ചായത്തിലെ രണ്ടു വീടുകളിൽ വയറിംഗ് നടത്തുന്നത്.
സ്കൂളിലെ ഹയർ സെക്കൻഡറി സ്കൂൾ വിദ്യാർഥികളും സഹോദരങ്ങളുമായ മയൂഖ, അഭിനവ് എന്നിവരുടെ വീടാണ് ഇവയിലൊന്ന് എന്ന പ്രത്യേകതയുമുണ്ട്. മൂന്നുവർഷത്തോളമായി ഇവർ ഈ വീട്ടിൽ താമസിച്ചു വരുന്നുണ്ടെങ്കിലും സാമ്പത്തിക പ്രയാസം കാരണം വീട് വൈദ്യുതീകരിക്കാൻ സാധിച്ചിരുന്നില്ല. ഈ കാര്യം മനസിലാക്കിയാണ് എൻഎസ്എസ് വോളണ്ടിയർമാർ ഈ വീട്ടിലേക്കു വൈദ്യുതി എത്തിക്കാനുള്ള ദൗത്യം ഏറ്റെടുത്തത്.
വിദ്യാർഥികൾ ഈ ഉദ്യമത്തിനു തയാറായി മുന്നോട്ടുവന്നതോടെ ഇലക്ട്രിക്കൽ വയർമെൻ ആൻഡ് സൂപ്പർ വൈസേഴ്സ് അസോസിയേഷൻ പിണറായി ഏരിയ കമ്മിറ്റിയും വിദ്യാർഥികൾക്ക് എല്ലാവിധ സഹായങ്ങളുമായി രംഗത്തുവന്നു.
ഈ വീടിനു പുറമെ ഉമ്മൻചിറയിൽ ഉമൈബയുടെ വീട്ടിലുമാണ് എൻഎസ്എസ് വോളണ്ടിയർമാർ വയറിംഗ് നടത്തുന്നത്. എത്രയും പെട്ടെന്ന് ഈ രണ്ടു വീടുകളിലും വൈദ്യുതി എത്തിക്കാനുള്ള ശ്രമത്തിലാണ് ഇവർ. വീടുകളുടെ വയറിംഗ് പ്രവൃത്തിയുടെ ഉദ്ഘാടനം പഞ്ചായത്ത് പ്രസിഡന്റ് പി.കെ.ഗീതമ്മ ഉദ്ഘാടനം ചെയ്തു.
സ്കൂളിലെ ഹയർ സെക്കൻഡറി സ്കൂൾ വിദ്യാർഥികളും സഹോദരങ്ങളുമായ മയൂഖ, അഭിനവ് എന്നിവരുടെ വീടാണ് ഇവയിലൊന്ന് എന്ന പ്രത്യേകതയുമുണ്ട്. മൂന്നുവർഷത്തോളമായി ഇവർ ഈ വീട്ടിൽ താമസിച്ചു വരുന്നുണ്ടെങ്കിലും സാമ്പത്തിക പ്രയാസം കാരണം വീട് വൈദ്യുതീകരിക്കാൻ സാധിച്ചിരുന്നില്ല. ഈ കാര്യം മനസിലാക്കിയാണ് എൻഎസ്എസ് വോളണ്ടിയർമാർ ഈ വീട്ടിലേക്കു വൈദ്യുതി എത്തിക്കാനുള്ള ദൗത്യം ഏറ്റെടുത്തത്.
വിദ്യാർഥികൾ ഈ ഉദ്യമത്തിനു തയാറായി മുന്നോട്ടുവന്നതോടെ ഇലക്ട്രിക്കൽ വയർമെൻ ആൻഡ് സൂപ്പർ വൈസേഴ്സ് അസോസിയേഷൻ പിണറായി ഏരിയ കമ്മിറ്റിയും വിദ്യാർഥികൾക്ക് എല്ലാവിധ സഹായങ്ങളുമായി രംഗത്തുവന്നു.
ഈ വീടിനു പുറമെ ഉമ്മൻചിറയിൽ ഉമൈബയുടെ വീട്ടിലുമാണ് എൻഎസ്എസ് വോളണ്ടിയർമാർ വയറിംഗ് നടത്തുന്നത്. എത്രയും പെട്ടെന്ന് ഈ രണ്ടു വീടുകളിലും വൈദ്യുതി എത്തിക്കാനുള്ള ശ്രമത്തിലാണ് ഇവർ. വീടുകളുടെ വയറിംഗ് പ്രവൃത്തിയുടെ ഉദ്ഘാടനം പഞ്ചായത്ത് പ്രസിഡന്റ് പി.കെ.ഗീതമ്മ ഉദ്ഘാടനം ചെയ്തു.