തേഞ്ഞിപ്പലം: പള്ളിക്കൽ മസ്ജിദ് പ്രശ്നത്തിനിടെ പോലിസിനെ ആക്രമിച്ച കേസിൽ ഒളിവിൽ കഴിയുന്ന ഒന്നാം പ്രതി പള്ളിക്കൽ മുൻ പഞ്ചായത്ത് പ്രസിഡന്‍റും മുസ്്ലിം ലീഗ് പള്ളിക്കൽ മേഖലാ സെക്രട്ടറിയുമായ കെ.പി.മുസ്തഫ തങ്ങൾ അടക്കം എട്ട് പേരുടെ മുൻകൂർ ജാമ്യാപേക്ഷ ഹൈക്കോടതി തള്ളി. പള്ളിക്കൽ എഎംയുപി സ്കൂൾ അധ്യാപകരായ സി.കെ മുഹമ്മദലി, സി. സൈതാലി, തറ്റത്തൊടി അബ്ദുൽഅസീസ്, തറ്റത്തൊടി അഷ്റഫ്, തറ്റത്തൊടി റഫീഖ് അടക്കം എട്ടു പേരുടെ മുൻകൂർ ജാമ്യാപേക്ഷയാണ് ഹൈക്കോടതി തള്ളിയത്. 307, 308 വകുപ്പുകൾ പ്രകാരം വധശ്രമം, പാർട്ടി പ്രവർത്തകരെ ആക്രമണത്തിന് സംഘടിപ്പിക്കൽ, പ്രേരണ നൽകൽ തുടങ്ങിയ കുറ്റങ്ങളാണ് കെ.പി മുസ്തഫ തങ്ങൾക്കെതിരെ പോലീസ് ചുമത്തിയിരിക്കുന്നത്. കഴിഞ്ഞ ഡിസംബർ 14നാണ് കേസിനാസ്പദമായ സംഭവം.
