വാഴക്കുളം: നീറന്പുഴ ഗവ.എൽപി സ്കൂൾ വാർഷികം മഞ്ഞള്ളൂർ പഞ്ചായത്ത് പ്രസിഡന്റ് ജോസ് പെരുന്പിള്ളിക്കുന്നേൽ ഉദ്ഘാടനം ചെയ്തു. വൈസ് പ്രസിഡന്റ് രാജശ്രീ അനി അധ്യക്ഷത വഹിച്ചു. പഞ്ചായത്തംഗം സിന്ധു മണി, ആയവന പഞ്ചായത്ത് പ്രസിഡന്റ് സാബു വള്ളോംകുന്നേൽ, പഞ്ചായത്തംഗം റെബി ജോസ് കൊച്ചുമുട്ടം എന്നിവർ വിവിധ എൻഡോവ്മെന്റുകൾ വിതരണം ചെയ്തു. ജോണി മെതിപ്പാറ മുഖ്യപ്രഭാക്ഷണം നടത്തി. കല്ലൂർക്കാട് എഇഒ എ.സി. മനു, ബിപിഒ ഇ.എ. പൗലോസ്, ഇൻഫാം സംസ്ഥാന കണ്വീനർ ജോസ് ഇടപ്പാട്ട്, ഷൈലജ മണി, പിടിഎ പ്രസിഡന്റ് ഷിന്റോ തോമസ്, എംപിടിഎ പ്രസിഡന്റ് ലില്ലി ഫ്രാൻസിസ്, സ്കൂൾ ലീഡർ അമ ഫ്രാൻസിസ്, സീനിയർ അസിസ്റ്റന്റ് റാണി മാത്യു, മേഴ്സി എൻ.ജോർജ് എന്നിവർ പ്രസംഗിച്ചു. പ്രധാനാധ്യാപിക പി.കെ. സുജാത റിപ്പോർട്ട് അവതരിപ്പിച്ചു.