കാസർഗോഡ്: പ്രഫഷണൽ കോളജുകളിൽ പഠിക്കുന്ന പട്ടികജാതി വിദ്യാർഥികൾക്ക് ജില്ലാ പഞ്ചായത്തിന്റെ 2016-17 വാർഷിക പദ്ധതിയിൽ ഉൾപ്പെടുത്തി ധനസഹായം അനുവദിക്കുന്നതിന് അപേക്ഷ ക്ഷണിച്ചു. മെഡിക്കൽ, എൻജിനിയറിംഗ്, എംബിഎ, പോളിടെക്നിക് ഡിപ്ലോമ മറ്റ് അനുബന്ധ കോഴ്സുകളിൽ പഠിക്കുന്ന ജില്ലയിലെ സ്ഥിരതാമസക്കാരായ ഒന്നര ലക്ഷത്തിൽ താഴെ വാർഷിക വരുമാനമുളളവരായിരിക്കണം അപേക്ഷകർ. കോളജുകളിൽ മെറിറ്റടിസ്ഥാനത്തിൽ പ്രവേശനം നേടിയവർക്കാണ് അപേക്ഷിക്കാൻ അർഹതയുളളത്. അപേക്ഷാഫോറം സിവിൽ സ്റ്റേഷനിൽ പ്രവർത്തിക്കുന്ന ജില്ലാ പട്ടികജാതി വികസന ഓഫീസിൽ നിന്നും ബ്ലോക്ക് പട്ടികജാതി വികസന ഓഫീസുകളിൽ നിന്നും ലഭിക്കും. ഇ-മെയിൽ മുഖേന അപേക്ഷാഫോറം ആവശ്യമുളളവർക്ക് ddoscksd14@gmail.com എന്ന വിലാസത്തിൽ ഇ-മെയിൽ മുഖേന അയച്ച് നൽകും. അപേക്ഷ സ്വീകരിക്കുന്ന അവസാന തീയതി 15. ഫോണ്: 04994 256162.