ജയറാം നായകനാകുന്ന പട്ടാഭിരാമൻ റിലീസിനൊരുങ്ങുന്നു. ചിത്രം ഓഗസ്റ്റ് 15ന് തീയറ്ററുകളിലെത്തും. കണ്ണൻ താമരക്കുളം സംവിധാനം ചെയ്യുന്ന ചിത്രത്തിൽ ജയറാമാണ് നായകൻ. തിരുവനന്തപുരത്തേയ്ക്ക് സ്ഥലംമാറിയെത്തുന്ന ഫുഡ് ഇൻസ്പെക്ടറുടെ കഥാപാത്രത്തെയാണ് സിനിമയിൽ ജയറാം അവതരിപ്പിക്കുന്നത്.
ദിനേശ് പള്ളത്തിന്റേതാണ് തിരക്കഥ. മിയ, ഷീലു ഏബ്രഹാം, ബൈജു, സുധീർ കരമന, ധർമജൻ ബോൾഗാട്ടി, ഹരീഷ് കണാരൻ, സായ് കുമാർ, ദേവൻ, പ്രേം കുമാർ എന്നിവരാണ് സിനിമയിൽ പ്രധാനകഥാപാത്രങ്ങളെ അവതരിപ്പിക്കുന്നവർ. അബാം മൂവീസിന്റെ ബാനറിൽ ഏബ്രഹാം മാത്യുവാണ് ചിത്രം നിർമിക്കുന്നത്.
പട്ടാഭിരാമൻ റിലീസിനൊരുങ്ങുന്നു
04:31 PM Aug 06, 2019 | Deepika.com