മാനന്തവാടി: പ്രമുഖ പണ്ഡിതനും സമസ്ത വയനാട് ജില്ലാ ഉപാധ്യക്ഷനുമായിരുന്ന ശൈഖുനാ പാലേരി അബ്ദുറഹ്മാൻ മുസ്ലിയാരുടെ പേരിൽ അദ്ദേഹത്തിന്റെ സ്വദേശമായ പീച്ചങ്കോട് സ്ഥാപിക്കുന്ന വിദ്യാഭ്യാസ സ്ഥാപനത്തിന്റെ ശിലാസ്ഥാപനം 12 ന് വൈകുന്നേരം നാലിന് നടക്കും. കാന്തപുരം എ.പി. അബൂബക്കർ മുസലിയാർ ശിലാസ്ഥാപന കർമ്മം നിർവഹിക്കും. ഒ.ആർ. കേളു എംഎൽഎ പരിപാടി ഉദ്ഘാടനം ചെയ്യും. ജില്ലാ സെക്രട്ടറി കൈപ്പണി അബൂബക്കർ ഫൈസി അധ്യക്ഷത വഹിക്കും. സമസ്ത ജില്ലാ പ്രസിഡന്റ് പി. ഹസൻ മുസ്ലിയാർ ബാഖവി മുഖ്യപ്രഭാഷണം നടത്തും. ഒ.എം. തരുവണ, നാസർ തരുവണ, ഇബ്രാഹിം കാളിയാർ, ഒ.എം. തല്ഹണത്ത് എന്നിവർ വാർത്താസമ്മേളനത്തിൽ പങ്കെടുത്തു.