സൂപ്പർഹിറ്റ് കന്നഡ ചിത്രം കെജിഎഫിന്റെ രണ്ടാം ഭാഗത്ത് കൊടും വില്ലൻ അധീരയുടെ കഥാപാത്രത്തെ അവതരിപ്പിക്കുന്നത് ബോളിവുഡ് താരം സഞ്ജയ് ദത്ത്. അദ്ദേഹത്തിന്റെ കഥാപാത്രത്തിന്റെ ക്യാരക്ടർ പോസ്റ്ററും അണിയറപ്രവർത്തകർ പങ്കുവച്ചു.
സഞ്ജയ് ദത്തിന്റെ 60-ാം പിറന്നാളിനോട് അനുബന്ധിച്ചാണ് പോസ്റ്റർ പുറത്തുവിട്ടത്. കോലാർ സ്വർണഖനിയുടെ പശ്ചാത്തലത്തിലൊരുക്കിയ സിനിമയിൽ യാഷാണ് നായകൻ. പ്രശാന്ത് നീലാണ് സംവിധായകൻ. സിനിമയുടെ ആദ്യ ഭാഗം റിലീസ് ചെയ്ത് ഒരാഴ്ച്ചയ്ക്കുള്ളിൽ 100 കോടി ക്ലബ്ബിൽ കയറിയിരുന്നു. 50 കോടി മുതൽ മുടക്കിലാണ് ചിത്രം നിർമിച്ചത്.
കെജിഎഫ് 2; അധീരയായി സഞ്ജയ് ദത്ത്
04:37 PM Jul 29, 2019 | Deepika.com