കോട്ടയം: ഇന്നു റിലിസ് ചെയ്യാനിരുന്ന മലയാളത്തിലെ ബിഗ് ബജറ്റ് ചിത്രം പുലിമുരുകൻ ത്രീഡിയുടെ റിലീസ് മാറ്റിവച്ചു. സാങ്കേതിക കാരണങ്ങളെ തുടർന്നാണ് റിലീസ് മാറ്റിയത്. ചിത്രം നാളെ (ശനിയാഴ്ച) തീയറ്ററുകളിൽ എത്തും.
മലയാളത്തിൽ ആദ്യമായി 100 കോടി ക്ലബിലെത്തിയ ചിത്രം കാണുന്നതിനായി നിരവധിയാളുകളാണു രാവിലെ തന്നെ വിവിധ തീയേറ്ററുകളിൽ എത്തിയിരുന്നത്. ഇന്നു ചിത്രത്തിന്റെ ത്രീഡി റിലീസില്ലെന്നറിഞ്ഞതോടെ ആരാധകർ നിരാശരായി മടങ്ങി. സംസ്ഥാനത്തെ പ്രധാന സെന്ററുകളിൽ എല്ലാം ചിത്രം റിലീസ് ചെയ്യാൻ ഇരുന്നത്. ത്രീഡി ചിത്രം പ്രദർശിപ്പിക്കുന്നതിനാവശ്യമായ കണ്ടന്റ് എത്തിയില്ലെന്നാണു തീയേറ്റർ അധികൃതർ നല്കുന്ന വിവരം.
സാങ്കേതിക തകരാർ മൂലം പുലിമുരുകൻ ത്രീഡിയുടെ റീലീസ് ശനിയാഴ്ചത്തേക്ക് മാറ്റിയെന്ന് ചിത്രത്തിന്റെ നിർമാതാവ് ടോമിച്ചൻ മുളകുപാടവും ചലച്ചിത്ര താരം വിനു മോഹനും ഉൾപ്പെടെയുള്ളവർ ഫേസ്ബുക്കിൽ അറിയിച്ചിട്ടുണ്ട്.
ത്രീഡി പുലിമുരുകന്റെ റിലീസ് മാറ്റി
12:21 PM Jul 21, 2017 | Deepika.com