നടവയൽ: സെന്‍റ് തോമസ് ഹയർ സെക്കൻഡറി സ്കൂൾ വജ്രജൂബിലി ആഘോഷത്തോടനുബന്ധിച്ചുള്ള ചലചിത്രോത്സവവും ആസ്വാദനസദസും ഇന്ന് രാവിലെ ഒന്പതിന് നടത്തും. നിരൂപകനും ഗ്രന്ഥകാരനുമായ ഒ.കെ. ജോണി ഉദ്ഘാടനം ചെയ്യും. കാഴ്ചയ്ക്കപ്പുറം എന്ന പരിപാടിയുടെ ഭാഗമായി വിദ്യാർഥികൾക്ക് ലോക സിനിമകൾ ആസ്വദിക്കാൻ അവസരമൊരുക്കും. ഉച്ചയ്ക്ക് നടത്തുന്ന സമാപന സമ്മേളനത്തിൽ ചലചിത്ര പ്രതിഭകളെ ആദരിക്കും. വി.എം. തങ്കച്ചൻ, ജോസ് സെബാസ്റ്റ്യൻ, ജോസ് മാത്യു, ലിനോജ് ജോസഫ്, സിസ്റ്റർ ക്രിസ്റ്റീന, എൻ.യു. ടോമി നേതൃത്വം നൽകും.
