വൈപ്പിൻ: നെടുങ്ങാട് പള്ളിയിൽവിശുദ്ധ അഗസ്തീനോസിന്റെ തിരുനാളിനു ഫാ. സെബാസ്റ്റിൻ അയനിയാടൻ കൊടിയേറ്റി. വികാരി ഫാ. ജോർജ് ആത്തപ്പിള്ളി സഹകാർമികത്വം വഹിച്ചു. എട്ടിനാണ് തിരുനാൾ. രാവിലെ 10.30നുള്ള തിരുനാൾ കുർബാനയ്ക്ക് ഫാ. റോബിൻ ചിറ്റൂപ്പറന്പൻ മുഖ്യ കാർമികനായിരിക്കും. ഫാ. പോൾ കൈത്തോട്ടുങ്കൽ പ്രസംഗിക്കും. തുടർന്ന് പ്രദക്ഷിണം. വൈകുന്നേരം 5.30ന് നടക്കുന്ന കുർബാനയ്ക്ക് ഫാ. ബിജു വടക്കുംചേരി കാർമികനായിരിക്കും. രാത്രി 8.30നു രൂപം എടുത്തുവയ്ക്കും. തുടർന്ന് 9.30നു ചവിട്ടുനാടകം-വിശുദ്ധ ഗീവർഗീസ്. ഒന്പതിനു രാവിലെ ആറിനു പരേതർക്കായുള്ള പ്രാർഥനയുണ്ടാകും. തോമസ് ബേബി പൊന്തോക്കൻ,വിൽസണ്‍ ആക്കനത്ത്, ജോയി മുളവരിക്കൽ, തങ്കച്ചൻ നരികുളം, പോൾ ഡിക്സണ്‍ എന്നിവരാണ് പ്രസുദേന്തിമാർ.
