കൊച്ചി: എറണാകുളം സെന്റ് ആൽബർട്സ് കോളജ് ഗണിതശാസ്ത്ര വിഭാഗം കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗണ്സിലിന്റെ സഹായത്തോടെ നടത്തുന്ന ഇതര വൈജ്ഞാനിക മേഖലകളിൽ ഗണിതത്തിന്റെ സംഭാവന എന്ന വിഷയത്തിൽ സംഘടിപ്പിക്കുന്ന പ്രഭാഷണപരന്പരയിലെ ഏഴാമത്തെ പ്രഭാഷണം നടത്തി. കലാവസ്ഥാ നിരീക്ഷണ ശാസ്ത്രജ്ഞനും ഇന്ത്യൻ മെറ്റീരിയോളജിക്കൽ ഡിപ്പാർട്ടുമെന്റ് മുൻ ഡയറക്ടറുമായ ഡോ. പി.വി. ജോസഫ് പ്രഭാഷണം നിർവഹിച്ചു. ഇതോടനുബന്ധിച്ച് ചേർന്ന യോഗത്തിൽ ഗണിതശാസ്ത്ര വിഭാഗം മേധാവി പ്രഫ. എഡ്വിൻ തോംസണ് അധ്യക്ഷത വഹിച്ചു. പ്രഫ. ലോറൽ ഗ്രിഗറി, ഡോ. എം.സി. സാബു, പ്രഫ. നൂറുദ്ദീൻ, മിക്്ഷല, ഡോ. ഷെറി ഫെർണാണ്ടസ്, പ്രോഗ്രാം കോ ഓർഡിനേറ്റർ പ്രഫ. ബെർണാർഡ് എന്നിവർ പ്രസംഗിച്ചു. വിവിധ കോളജുകളിൽ നിന്നായി 70 ഓളം ബിരുദ ബിരുദാനന്തര വിദ്യാർഥികളും അധ്യാപകരും നിരവധി ശാസ്ത്ര കുതുകികളും പങ്കെടുത്തു.