സ്വ​പ്ന​ങ്ങ​ൾ ബാ​ക്കി​വെ​ച്ച് ബാ​ബു യാത്രയായി

ന​ല്ല സി​നി​മ​ക​ൾ മ​ല​യാ​ള​ത്തി​ന് സ​മ്മാ​നി​ച്ച കു​ടും​ബ ചി​ത്ര​സം​വി​ധാ​യ​ക​ൻ എ​ന്ന് അ​റി​യ​പ്പെ​ട്ട ബാ​ബു​പി​ഷാ​ര​ടി എ​ന്ന ബാ​ബു നാ​രാ​യ​ണ​ന് ന​ല്ലൊ​രു തി​രി​ച്ചു​വ​ര​വ് വേ​ണ​മെ​ന്നു​ണ്ടായി​രു​ന്നു. നൂ​റാ വി​ത്ത് ലൗ ​എ​ന്ന സി​നി​മ ബാ​ബു​വി​ന്‍റെ പ​തി​വ് സി​നി​മ​ക​ൾ പോ​ലെ പ്രേ​ക്ഷ​ക​ർ സ്വീ​ക​രി​ക്കാ​തി​രു​ന്ന​ത് ബാ​ബു​വി​ന് നി​രാ​ശ​യു​ണ്ടാക്കി​യി​രു​ന്നു​വെ​ങ്കി​ലും മി​ക​ച്ച ഒ​രു കു​ടും​ബ​ചി​ത്രം ഒ​രു​ക്ക​ണ​മെ​ന്ന ആ​ഗ്ര​ഹം ബാ​ക്കി​വ​ച്ചാ​ണ് സി​നി​മ​യെ ഒ​രു​പാ​ട് സ്നേ​ഹി​ച്ച തൃ​ശൂ​രി​ന്‍റെ പ്രി​യ​പ്പെ​ട്ട ബാ​ബു യാ​ത്ര​യാ​കു​ന്ന​ത്.

സ്വ​ത​ന്ത്ര​ സം​വി​ധാ​യ​ക​നാ​യി​ക്ക​ഴി​ഞ്ഞാ​ൽ പി​ന്നീ​ട് സം​വി​ധാ​ന സ​ഹാ​യി​യാ​യി വ​ർ​ക്ക് ചെ​യ്യാ​ൻ ഭൂ​രി​ഭാ​ഗം സം​വി​ധാ​യ​ക​ർ​ക്കും മ​ടി​യാ​ണ്. എ​ന്നാ​ൽ ത​ന്‍റെ ഗു​രു​കൂ​ടി​യാ​യ ഹ​രി​ഹ​ര​ൻ കേ​ര​ള​വ​ർ​മ പ​ഴ​ശി​രാ​ജ സം​വി​ധാ​നം ചെ​യ്യു​ന്പോ​ൾ സം​വി​ധാ​ന സ​ഹാ​യി​യാ​യി പ​ഴ​യ​ശി​ഷ്യ​ൻ ബാ​ബു​വി​നെ​യാ​ണ് വി​ളി​ച്ച​ത്.

പ​ഴ​ശി​രാ​ജ​യ്ക്ക് എ​ട​ച്ചേ​നി കു​ങ്ക​ൻ തു​ണ​യാ​യ് നി​ന്ന​പോ​ലെ ഹ​രി​ഹ​ര​ന് പ​ഴ​ശി​രാ​ജ അ​തി​ന്‍റെ പൂ​ർ​ണ​ത​യി​ലെ​ത്തി​ക്കാ​ൻ കൈയും മെ​യ്യും മ​റ​ന്ന് ബാ​ബു കൂ​ടെ നി​ന്നു. പ​ഴ​ശി​രാ​ജ​യു​ടെ വ​ർ​ക്കു​ക​ൾ ക​ഴി​ഞ്ഞ് ഒ​രു ദി​വ​സം തൃ​ശൂ​രി​ലെ​ത്തി​യ ബാ​ബു​വി​നോ​ട് സം​വി​ധാ​യ​ക​ന്‍റെ റോ​ളി​ൽ നിന്ന് ​സം​വി​ധാ​ന​സ​ഹാ​യി ആ​യ​തെ​ന്തി​നാ​യി​രു​ന്നു​വെ​ന്ന് ചോ​ദി​ച്ച​പ്പോ​ൾ ബാ​ബു പ​റ​ഞ്ഞ​ത് ഗു​രു​വി​ൽ നി​ന്ന് ഒ​രി​ക്ക​ലും പ​ഠി​ച്ചു തീ​രി​ല്ല എ​ന്നാ​ണ്.

ഹ​രി​ഹ​ര​ൻ സാ​റും എം.​ടി. ​സാ​റും മ​മ്മൂ​ക്ക​യ​ട​ക്ക​മു​ള്ള താ​ര​നി​ര​യും റ​സൂ​ൽ​പൂ​ക്കു​ട്ടി​യു​മൊ​ക്കെ​യു​ള്ള ഒ​രു വ​ന്പ​ൻ പ്രൊ​ജ​ക്ടി​ൽ സം​വി​ധാ​ന സ​ഹാ​യി​യാ​യി പോ​യാ​ലും ഏ​റെ പ​ഠി​ക്കാ​നു​ണ്ട്. റ​സൂ​ൽ പൂ​ക്കു​ട്ടി​യു​ടെ ശ​ബ്ദ​ലേ​ഖ​ന ടെ​ക്നി​ക്കു​ക​ൾ അ​ടു​ത്തു​നി​ന്ന് ക​ണ്ടറി​യാ​ൻ സാ​ധി​ച്ചു. അ​ങ്ങി​നെ പ​ല​തും... സം​വി​ധാ​യ​ക​നാ​യ​തു​കൊ​ണ്ട് സം​വി​ധാ​ന​സ​ഹാ​യി ആ​വി​ല്ലെ​ന്ന് ക​ടും​പി​ടു​ത്തം പി​ടി​ച്ചി​രു​ന്നു​വെ​ങ്കി​ൽ എ​നി​ക്ക​തൊ​ന്നും മ​ന​സി​ലാ​ക്കാ​ൻ പ​റ്റു​മാ​യി​രു​ന്നി​ല്ല - ബാ​ബു അ​ന്ന് പ​റ​ഞ്ഞ​ത് അ​താ​ണ്.

സം​വി​ധാ​യ​ക​നാ​യി ര​ജി​സ്റ്റ​ർ ചെ​യ്യ​പ്പെ​ട്ട​പ്പോ​ഴും താ​നൊ​രു സി​നി​മ വി​ദ്യാ​ർ​ഥി​യാ​ണെ​ന്ന ബോ​ധം ബാ​ബു​വി​നു​ണ്ടായി​രു​ന്നു. മാ​റു​ന്ന സി​നി​മ​യെ മ​ന​സി​ലാ​ക്കാ​ൻ ബാ​ബു സ​ദാ ശ്ര​മി​ച്ചി​രു​ന്നു. സം​വി​ധാ​യ​ക​ൻ അ​നി​ലി​നൊ​പ്പം ചേ​ർ​ന്ന് ബാ​ബു ഒ​രു​ക്കി​യ​തെ​ല്ലാം പ്രേ​ക്ഷ​ക​ർ​ക്ക് പ്രി​യ​പ്പെ​ട്ട സി​നി​മ​ക​ളാ​യി​രു​ന്നു.

ജ​ഗ​ദീ​ഷ്, സി​ദ്ദി​ഖ്, ജ​യ​റാം, സു​രേ​ഷ്്ഗോ​പി, ഇ​ന്ന​സെ​ന്‍റ്, ക​ലാ​ഭ​വ​ൻ​മ​ണി തു​ട​ങ്ങി​യ താ​ര​ങ്ങ​ളെ​യെ​ല്ലാം മി​ക​ച്ച രീ​തി​യി​ൽ ഉ​പ​യോ​ഗി​ക്കാ​ൻ അ​നി​ൽ ബാ​ബു​വി​ന് ക​ഴി​ഞ്ഞു. മാ​ന്ത്രി​ക​ചെ​പ്പ്, വെ​ൽ​ക്കം ടു ​കൊ​ടൈ​ക്ക​നാ​ൽ, സാ​ക്ഷാ​ൽ ശ്രീ​മാ​ൻ ചാ​ത്തു​ണ്ണി, സ്ത്രീ​ധ​നം, കു​ടും​ബ​വി​ശേ​ഷം, ര​ഥോ​ത്സ​വം, പ​ട്ടാ​ഭി​ഷേ​കം, ഉ​ത്ത​മ​ൻ, പ​ക​ൽ​പൂ​രം, വാ​ൽ​ക്ക​ണ്ണാ​ടി, ഞാ​ൻ സ​ൽ​പേ​ര് രാ​മ​ൻ​കു​ട്ടി, അ​ര​മ​ന​വീ​ടും അ​ഞ്ഞൂ​റേ​ക്ക​റും തു​ട​ങ്ങി​യ സി​നി​മ​ക​ളെ​ല്ലാം മ​ല​യാ​ളി​ക്ക് മ​റ​ക്കാ​നാ​കാ​ത്ത​വ​യാ​ണ്. ഇ​പ്പോ​ഴും ചാ​ന​ലു​ക​ളി​ൽ ഈ ​സി​നി​മ​ക​ൾ വ​രു​ന്പോ​ൾ അ​വ ക​ണ്ടിരി​ക്കാ​ൻ മു​ഷി​പ്പു തോ​ന്നാ​റി​ല്ലെ​ന്ന​താ​ണ് സ​ത്യം.

പ​റ​യാം എ​ന്ന ചി​ത്ര​ത്തി​ന് ശേ​ഷം അ​നി​ൽ ബാ​ബു​മാ​ർ പി​രി​ഞ്ഞു. മ​ല​യാ​ള​സി​നി​മാ ആ​സ്വാ​ദ​ക​ർ​ക്ക് ആ ​കൂ​ട്ടു​കെ​ട്ട് പി​രി​ഞ്ഞ​ത് വി​ഷ​മ​മു​ണ്ടാക്കി​യി​രു​ന്നു. പി​ന്നീ​ട് നീ​ണ്ട പ​ത്തു​വ​ർ​ഷ​ത്തി​നുശേ​ഷ​മാ​ണ് ടു ​നൂ​റാ വി​ത്ത് ലൗ ​എ​ന്ന സി​നി​മ ബാ​ബു നാ​രാ​യ​ണ​ൻ സം​വി​ധാ​നം ചെ​യ്യു​ന്ന​ത്.

കോ​ഴി​ക്കോ​ട് സ്വ​ദേ​ശി​യാ​ണ് ബാ​ബു​വെ​ന്ന് പ​ല​ർ​ക്കും അ​റി​യി​ല്ല. ഭാ​ര്യ ജ്യോ​തി​ല​ക്ഷ്മി​യു​ടെ നാ​ട് ക​ണ്ണൂ​രും. ജ്യോ​തി​ല​ക്ഷ്മി​യു​ടെ അ​മ്മ ച​ന്ദ്ര​മ​തി​യു​ടെ ജോ​ലി​യുമായി ബന്ധപ്പെട്ടാണ് ബാ​ബു​വും ഭാ​ര്യ​യും തൃ​ശൂ​രി​ൽ സെ​റ്റി​ൽ ചെ​യ്ത​ത്. പി​ന്നെ ഈ ​തൃ​ശൂ​ർ ബാ​ബു​വി​ന് ഏ​റെ പ്രി​യ​പ്പെ​ട്ട​താ​യി.

മ​ക​ൾ ശ്രാ​വ​ണ കു​ഞ്ചാ​ക്കോ ബോ​ബ​ന്‍റെ നാ​യി​ക​യാ​യി ലാ​ൽ​ജോ​സ് ചി​ത്ര​മാ​യ ത​ട്ടി​ൻ​പു​റ​ത്ത് അ​ച്യു​ത​നി​ൽ അ​ഭി​ന​യി​ച്ച​തും മ​ക​ൻ ദ​ർ​ശ​ൻ അ​തേ സി​നി​മ​യി​ൽ ക്യാ​മ​റ അ​സി​സ്റ്റ​ന്‍റാ​യി പ്ര​വ​ർ​ത്തി​ക്കു​ന്ന​തും നി​റ​ഞ്ഞ മ​ന​സോ​ടെ ബാ​ബു ക​ണ്ടു. സം​ഗീ​ത​ത്തെ ഒ​രു​പാ​ട് സ്നേ​ഹി​ച്ച ബാ​ബു സം​ഗീ​ത​നൃ​ത്ത​ശി​ൽ​പ​ങ്ങ​ൾ ഒ​രു​ക്കി​യി​രു​ന്നു.

മ​ക​ൾ ശ്രാ​വ​ണ​യെ ലാ​ൽ​ജോ​സ് കാ​ണു​ന്ന​ത് ത​ന്നെ അ​ത്ത​ര​മൊ​രു സം​ഗീ​ത​പ​രി​പാ​ടി​യി​ൽ വച്ചാ​യി​രു​ന്നു. സി​നി​മ സം​ബ​ന്ധി​യാ​യ പ​രി​പാ​ടി​ക​ളു​ടെ മി​ക​ച്ച സം​ഘാ​ട​ക​ൻ കൂ​ടി​യാ​യി​രു​ന്നു ബാ​ബു. തൃ​ശൂ​രി​ല​ട​ക്കം കേ​ര​ള​ത്തി​ന്‍റെ പ​ല​ഭാ​ഗ​ങ്ങ​ളി​ലും ന​ട​ന്ന സി​നി​മ​പ​രി​പാ​ടി​ക​ളി​ൽ ബാ​ബു​വി​ന്‍റെ സാ​ന്നി​ധ്യ​മു​ണ്ടായി​രു​ന്നു.

എ​ത്ര ടെ​ൻ​ഷ​നു​ണ്ടെങ്കി​ലും അ​തി​നെ​യൊ​ക്കെ നി​റ​ഞ്ഞ ചി​രി​കൊ​ണ്ട് മാ​യ്ക്കാ​നും മ​റ​യ്ക്കാ​നും ബാ​ബു​വി​നു​ണ്ടായി​രു​ന്ന​ത് പ്ര​ത്യേ​ക ക​ഴി​വാ​യി​രു​ന്നു. ആ ​ചി​രി ഇ​നി​യി​ല്ല.... വി​ധി അ​പ്ര​തീ​ക്ഷി​ത​മാ​യി ആ ​ചി​രി​ക്ക് ക​ട്ട് പ​റ​ഞ്ഞി​രി​ക്കു​ന്നു...

ഋ​ഷി