മലയാളത്തിന്റെ യൂത്ത് ഐക്കണ് ദുൽഖർ സൽമാൻ നിർമിക്കുന്ന രണ്ടാമത്തെ ചിത്രത്തിൽ നായകനായി സുരേഷ് ഗോപി അഭിനയിച്ചേക്കുമെന്ന് റിപ്പോർട്ടുകൾ. സത്യൻ അന്തിക്കാടിന്റെ മകൻ അനൂപ് സത്യനാണ് സിനിമ സംവിധാനം ചെയ്യുന്നത്. പൂർണമായും ചെന്നൈയിൽ ചിത്രീകരിക്കുന്ന സിനിമയുടെ ഷൂട്ടിംഗ് സെപ്റ്റംബറിൽ ആരംഭിക്കും. ദുൽഖർ സൽമാനും ചിത്രത്തിൽ അതിഥി വേഷത്തിൽ അഭിനയിക്കുന്നുണ്ട്.
രാഷ്ട്രീയത്തിൽ സജീവമായശേഷം അഭിനയരംഗത്തുനിന്ന് മാറി നിൽക്കുന്ന സുരേഷ്ഗോപി വീണ്ടും മലയാള സിനിമയിൽ സജീവമാകുകയാണ്. സുരേഷ് ഗോപിയുടെ നായികയായി ഏറെക്കാലത്തിനുശേഷം ശോഭന അഭിനയിക്കും. നസ്രിയയും സിനിമയിൽ മറ്റൊരു പ്രധാന കഥാപാത്രത്തെ അവതരിപ്പിക്കും.
ദുൽഖർ ചിത്രത്തിൽ സുരേഷ് ഗോപി
09:35 AM Jun 18, 2019 | Deepika.com