ധ്യാന് ശ്രീനിവാസനെ നായകനാക്കി സന്തോഷ് നായർ സംവിധാനം ചെയ്ത സച്ചിന് റിലീസിനൊരുങ്ങി. ക്രിക്കറ്റിന്റെ പശ്ചാത്തലത്തില് ഹാസ്യത്തിന് പ്രാധാന്യം നല്കുന്ന ചിത്രം ഒരു ഫാമിലി എന്റര്ടെയ്നറായാണ് ഒരുക്കിയിരിക്കുന്നത്.
ചിത്രത്തില് സച്ചിന് എന്ന കഥാപാത്രത്തെയാണ് ധ്യാൻ അവതരിപ്പിക്കുന്നത്. അന്ന രേഷ്മ രാജനാണ് നായിക. അജു വര്ഗീസ്, മണിയന്പിള്ള രാജു, മാല പാര്വതി, രശ്മി ബോബന്, സേതുലക്ഷ്മി, ഹരീഷ് കണാരന്, രഞ്ജി പണിക്കര്, രമേഷ് പിഷാരടി, അപ്പാനി ശരത് എന്നിവരാണ് ചിത്രത്തിലെ മറ്റ് താരങ്ങള്.
ചിത്രത്തിന്റെ തിരക്കഥ ഒരുക്കിയിരിക്കുന്നത് എസ്.എല് പുരം ജയസൂര്യയാണ്. ജൂഡ് ആഗ്നേല്, ജൂബി നൈനാന് എന്നിവര് ചേര്ന്ന് ചിത്രം നിര്മിച്ചിരിക്കുന്നു.