പ്രഭാസ് നായകനാകുന്ന സാഹോയുടെ രണ്ടാമത്തെ പോസ്റ്റർ പുറത്തുവിട്ടു. ട്വിറ്റർ അക്കൗണ്ടിലൂടെ പ്രഭാസ് തന്നെയാണ് പോസ്റ്റർ ആരാധകരുമായി പങ്കുവച്ചത്. ബൈക്കിൽ ചീറി പാഞ്ഞ് പോകുന്ന പ്രഭാസിന്റെ ചിത്രമാണ് പോസ്റ്ററിലുള്ളത്.
സുജീത്ത് സംവിധാനം ചെയ്യുന്ന ചിത്രത്തിൽ ബോളിവുഡ് നടി ശ്രദ്ധാ കപൂറാണ് നായിക. ഓഗസ്റ്റ് 15ന് തീയറ്ററുകളിലെത്തുന്ന ചിത്രം ഹിന്ദി, തെലുങ്ക്, തമിഴ് ഭാഷകളിലാണ് ഒരുക്കുന്നത്. മലയാളത്തിലേക്കും ചിത്രം ഡബ്ബ് ചെയ്യും. ഹോളിവുഡ് ആക്ഷൻ കോ-ഓർഡിനേറ്ററായ കെന്നി ബേറ്റ്സാണ് സാഹോയുടെ സംഘട്ടന സംവിധായകൻ.
മലയാള താരം ലാൽ, ജാക്കി ഷെറോഫ്, നീൽ നിതിൻ മുകേഷ്, മന്ദിര ബേദി, ചങ്കി പാണ്ഡേ, മഹേഷ് മഞ്ജറേക്കർ, അരുണ് വിജയ്, മുരളി ശർമ എന്നിവരാണ് സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. യുവി ക്രിയേഷൻസിന്റെ ബാനറിലാണ് ചിത്രം നിർമിക്കുന്നത്.
പ്രഭാസിന്റെ "സാഹോ'; രണ്ടാമത്തെ പോസ്റ്ററെത്തി
03:53 PM May 28, 2019 | Deepika.com