അമേരിക്കയിൽ ആശങ്കകൾ വർധിപ്പിച്ചു കോവിഡ് 19 മരണനിരക്ക് ഉയരുന്നു. 63,580 പേരാണ് ഇതിനോടകം അമേരിക്കയിൽ കോവിഡ് ബാധിച്ച് മരിച്ചത്. വ്യാഴാഴ്ച മാത്രം 1,925 പേരാണ് മരിച്ചത്.
അമേരിക്കയിൽ 10,89,150 പേർ കോവിഡ് ബാധിതരായി. 1,51,489 പേരാണ് രാജ്യത്ത് രോഗമുക്തി നേടിയത്. 8,74,081 പേർ ഇപ്പോഴും ചികിത്സയിലാണ്. ഇതിൽ 15,226 പേരുടെ ആരോഗ്യനില ഗുരുതരമാണ്.
ന്യൂയോർക്ക് നഗരത്തിലാണ് 40 ശതമാനത്തോളം (23,780) മരണം. ന്യൂജഴ്സി (7,228), മിഷിഗൻ (3,789), മാസച്യുസെറ്റ്സ് (3,562), ഇല്ലിനോയി (2,355), കണക്ടിക്കട്ട് (2,257), പെൻസിൽവാനിയ (2,450), കലിഫോർണിയ (1,968) സംസ്ഥാനങ്ങളിലും മരണം കൂടിവരികയാണ്.
വിയറ്റ്നാമിലെ പത്തുവർഷം നീണ്ട യുദ്ധത്തിൽ കൊല്ലപ്പെട്ട അമേരിക്കക്കാരുടെ (58,220) എണ്ണത്തേക്കാൾ കൂടുതലായി കോവിഡ് മൂലമുള്ള മരണം. എന്നാൽ, 1918-ലെ സ്പാനിഷ് ഫ്ളൂ മൂലം അമേരിക്കയിൽ മരിച്ചത് 6.75 ലക്ഷം പേരാണ്.
അമേരിക്കയിൽ കോവിഡ് മരണം 63,000 കടന്നു
04:22 PM May 01, 2020 | Deepika.com