കോവിഡ് പ്രതിരോധത്തിന് ജില്ലാതലത്തിൽ ആവശ്യമായ പ്രതിരോധ സംവിധാനങ്ങൾ ഉറപ്പാക്കണമെന്ന് പ്രധാനമന്ത്രി. രാജ്യത്തെ കോവിഡ് പ്രതിരോധ പ്രവർത്തനങ്ങളെയും അനുബന്ധ സജ്ജീകരണങ്ങളെയുംകുറിച്ച് വിശകലനം ചെയ്യുന്നതിനുള്ള ഉന്നതതല യോഗത്തിൽ സംസാരിക്കുകയായിരുന്നു പ്രധാനമന്ത്രി നരേന്ദ്ര മോദി.
ഓരോ സംസ്ഥാനത്തെയും മുഖ്യമന്ത്രിമാരുമായി കോവിഡ് പ്രതിരോധ പ്രവർത്തനങ്ങളെക്കുറിച്ച് ചർച്ച ചെയ്യുന്നതിന് യോഗം ചേരുമെന്നും പ്രധാനമന്ത്രി അറിയിച്ചു. കൗമാരക്കാർക്കുള്ള വാക്സിനേഷൻ വേഗത്തിലാക്കണം. കൊറോണ വൈറസിന് നിരന്തരം രൂപാന്തരം സംഭവിച്ചു കൊണ്ടിരിക്കുന്ന സാഹചര്യത്തിൽ പരിശോധനയിലും വാക്സിൻ നടപടികളിലും മരുന്ന് ഉത്പാദനത്തിലും പുതിയ ഗവേഷണങ്ങൾ ആവശ്യമാണ്.
നേരിയതോ രോഗ ലക്ഷണങ്ങൾ ഇല്ലാത്തതോ ആയ രോഗികൾക്ക് വീടുകളിൽ നിരീക്ഷണത്തിൽ കഴിയുന്നതിനുള്ള സൗകര്യങ്ങൾ ഒരുക്കണം. അടിയന്തര കോവിഡ് ഫണ്ട് ഉപയോഗിച്ച് ആരോഗ്യകേന്ദ്രങ്ങളിൽ അടിസ്ഥാന സൗകര്യങ്ങൾ സജ്ജീകരിക്കണം. പരിശോധന വർധിപ്പിക്കണം.
സംസ്ഥാനങ്ങളിലെ ഓക്സിജൻ-ഐസിയു കിടക്കകളുടെ ലഭ്യത, കോവിഡ് മരുന്നുകളുടെ ശേഖരം എന്നിവ പരിശോധിച്ച് ഉറപ്പാക്കാൻ ഉദ്യോഗസ്ഥരെ നിയമിക്കണമെന്നും പ്രധാനമന്ത്രി നിർദേശിച്ചു.
ഓരോ സംസ്ഥാനത്തെയും മുഖ്യമന്ത്രിമാരുമായി കോവിഡ് പ്രതിരോധ പ്രവർത്തനങ്ങളെക്കുറിച്ച് ചർച്ച ചെയ്യുന്നതിന് യോഗം ചേരുമെന്നും പ്രധാനമന്ത്രി അറിയിച്ചു. കൗമാരക്കാർക്കുള്ള വാക്സിനേഷൻ വേഗത്തിലാക്കണം. കൊറോണ വൈറസിന് നിരന്തരം രൂപാന്തരം സംഭവിച്ചു കൊണ്ടിരിക്കുന്ന സാഹചര്യത്തിൽ പരിശോധനയിലും വാക്സിൻ നടപടികളിലും മരുന്ന് ഉത്പാദനത്തിലും പുതിയ ഗവേഷണങ്ങൾ ആവശ്യമാണ്.
നേരിയതോ രോഗ ലക്ഷണങ്ങൾ ഇല്ലാത്തതോ ആയ രോഗികൾക്ക് വീടുകളിൽ നിരീക്ഷണത്തിൽ കഴിയുന്നതിനുള്ള സൗകര്യങ്ങൾ ഒരുക്കണം. അടിയന്തര കോവിഡ് ഫണ്ട് ഉപയോഗിച്ച് ആരോഗ്യകേന്ദ്രങ്ങളിൽ അടിസ്ഥാന സൗകര്യങ്ങൾ സജ്ജീകരിക്കണം. പരിശോധന വർധിപ്പിക്കണം.
സംസ്ഥാനങ്ങളിലെ ഓക്സിജൻ-ഐസിയു കിടക്കകളുടെ ലഭ്യത, കോവിഡ് മരുന്നുകളുടെ ശേഖരം എന്നിവ പരിശോധിച്ച് ഉറപ്പാക്കാൻ ഉദ്യോഗസ്ഥരെ നിയമിക്കണമെന്നും പ്രധാനമന്ത്രി നിർദേശിച്ചു.