ക്ലാസുകൾ മുടങ്ങിയ സാഹചര്യത്തിൽ കോളജ് വിദ്യാർഥികൾക്ക് ഓണ്ലൈൻ അധ്യാപനവുമായി സർവകലാശാലകൾ. കേരള, എംജി, കാലിക്കറ്റ്, കണ്ണൂർ സർവകലാശാലകളിലായി പാതിവഴിക്ക് നിലച്ച മുഴുവൻ കോഴ്സുകളും ഓണ്ലൈനായി വിദ്യാർഥികളിലേക്ക് എത്തിക്കുന്നതാണു പദ്ധതി.
നാലു സർവകലാശാലകളിലായി 205 കോഴ്സുകളാണ് ഉള്ളത്. നാലു സർവകലാശാലകളെ പങ്കെടുപ്പിച്ചുകൊണ്ട് നടപ്പാക്കുന്ന പദ്ധതിയുടെ പേര് ലേണ് ഇൻ ലോക്ക്ഡൗണ് എന്നാണ്. ആയിരത്തിൽപ്പരം അധ്യാപകർ ക്ലാസെടുക്കും. വിദ്യാർഥികൾക്ക് അഭിപ്രായം പറയാനും സംശയങ്ങൾ ദുരീകരിക്കാനും ഉള്ള അവസരങ്ങൾ ഇതിന്റെ ഭാഗമായി ഉണ്ടാകുമെന്നും മുഖ്യമന്ത്രി പറഞ്ഞു.
എയ്ഡഡ് കോളേജ് മേഖലയിലെ അധ്യാപക സംഘടനയായ എകെപിസിടിഎ ആണ് പദ്ധതി ആവിഷ്കരിച്ചത്. കോവിഡിനെ തുടർന്നു വിദ്യാഭ്യാസ മേഖലയിലുണ്ടായ സ്തംഭനം എങ്ങനെ മറികടക്കാം എന്ന ആലോചന നടക്കുന്നുണ്ടെന്നും മുഖ്യമന്ത്രി അറിയിച്ചു.
കോഴ്സുകൾ വഴിമുട്ടില്ല; ലേണ് ഇൻ ലോക്ക്ഡൗണ് പദ്ധതിയുമായി സർവകലാശാലകൾ
07:50 PM Apr 29, 2020 | Deepika.com