യാത്രാവിലക്കിനെത്തുടര്ന്നു സൗദിയില് കുടുങ്ങിയ ഗര്ഭിണികളുള്പ്പെടെയുള്ള നഴ്സുമാര്ക്ക് മെഡിക്കല് സൗകര്യം ഉള്പ്പെടെ ഉറപ്പുവരുത്തണമെന്നു ഹൈക്കോടതി നിര്ദേശം നല്കി. ഇവര്ക്കു മരുന്നും മറ്റു മെഡിക്കല് സൗകര്യങ്ങളും ലഭ്യമാക്കാന് എംബസിയിലെ നോഡല് ഓഫീസര് വഴി നടപടികള് സ്വീകരിക്കുമെന്നു കേന്ദ്ര സര്ക്കാര് ഹൈക്കോടതിയില് അറിയിച്ചു. ഇക്കാര്യം ഡിവിഷന് ബെഞ്ച് രേഖപ്പെടുത്തി.
സൗദി അറേബ്യയില് ജോലി നോക്കുന്ന ഗര്ഭിണികളടക്കമുള്ള നഴ്സുമാരെ തിരിച്ചു നാട്ടില് എത്തിക്കണമെന്നാവശ്യപ്പെട്ടു ഡീന് കുര്യാക്കോസ് എംപി നല്കിയ ഹര്ജിയാണ് ഡിവിഷന് ബെഞ്ച് പരിഗണിച്ചത്. സൗദിയിലെ ഇന്ത്യന് എംബസി നഴ്സുമാരടക്കം ഇവിടെയുള്ള ഇന്ത്യക്കാരുടെ കാര്യത്തില് ജാഗ്രത പുലര്ത്തുന്നുണ്ടെന്നും കേന്ദ്ര സര്ക്കാർ അഭിഭാഷകന് വിശദീകരിച്ചു.
സൗദിയില് കുടുങ്ങിയ നഴ്സുമാര്ക്കു മെഡിക്കല് സൗകര്യം ഉറപ്പാക്കണം: ഹൈക്കോടതി
04:09 PM Apr 29, 2020 | Deepika.com