സംസ്ഥാനത്തെ രണ്ടു മെഡിക്കൽ കോളജിൽ കൂടി കോവിഡ് ലാബിന് ഐസിഎംആർ അനുമതി. കണ്ണൂർ പരിയാരം മെഡിക്കൽ കോളജ്, കോട്ടയം മെഡിക്കൽ കോളജ് എന്നിവിടങ്ങളിലാണു കോവിഡ് ലാബിന് അനുമതി ലഭിച്ചത്.
കണ്ണൂരിൽ വെള്ളിയാഴ്ച മുതൽ പരിശോധന ആരംഭിക്കും. ഇവിടെ നാലു റിയൽ ടൈം പിസിആർ മെഷീനുകളാണുള്ളത്. ഇതോടെ കോവിഡ് പരിശോധന വേഗത്തിലാക്കാൻ സാധിക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. നിലവിൽ കേരളത്തിൽ 14 സർക്കാർ ലാബുകളിലാണ് കോവിഡ് പരിശോധ നടത്തുന്നത്. രണ്ടു സ്വകാര്യ ലാബുകളിലും പരിശോധന നടത്തുന്നുണ്ട്.
സംസ്ഥാനത്ത് കോവിഡ് രോഗികളുടെ എണ്ണം വർധിച്ച സാഹചര്യത്തിൽ പരിശോധന വേഗത്തിലാക്കാൻ 10 റിയൽ ടൈം പിസിആർ മെഷീനുകൾ വാങ്ങാൻ സർക്കാർ അനുമതി നൽകിയിട്ടുണ്ടെന്നും മുഖ്യമന്ത്രി അറിയിച്ചു.
രണ്ടു മെഡിക്കൽ കോളജിൽ കൂടി കോവിഡ് പരിശോധന; ഐസിഎംആർ അനുമതി
07:04 PM Apr 23, 2020 | Deepika.com