സംസ്ഥാനത്ത് ഇന്ന് 10 പേർക്ക് കൂടി കൊറോണ വൈറസ് രോഗം സ്ഥിരീകരിച്ചു. എട്ട് പേർ രോഗമുക്തി നേടി ആശുപത്രിവിട്ടു. ഇടുക്കിയിൽ നാല് പേർക്കും കോഴിക്കോട്, കോട്ടയം എന്നീ ജില്ലകളിൽ രണ്ടു പേർക്ക് വീതവും തിരുവനന്തപുരത്തും കൊല്ലത്തും ഓരോരുത്തർക്കുമാണ് രോഗം കണ്ടെത്തിയത്.
ഇതിൽ നാല് പേർ അയൽസംസ്ഥാനങ്ങളിൽനിന്ന് എത്തിയവരാണ്, രണ്ട് പേർ വിദേശത്തുനിന്നും. സമ്പർക്കം മൂലം നാല് പേർക്കും കൊറോണ വൈറസ് ബാധിച്ചു. ഇന്ന് 10 പേർക്ക് കൂടി കോവിഡ് സ്ഥിരീകരിച്ചതോടെ സംസ്ഥാനത്ത് രോഗം പിടിപെട്ടവരുടെ എണ്ണം 447 ആയി. 129 പേരാണ് നിലവിൽ ആശുപത്രികളിൽ ചികിത്സയിലുള്ളത്.
സംസ്ഥാനത്ത് ഇന്ന് 10 പേർക്ക് കൂടി കോവിഡ്; എട്ട് പേർ രോഗമുക്തരായി
07:01 PM Apr 23, 2020 | Deepika.com