രാജ്യത്തിന്റെ പല ഭാഗങ്ങളിലും മാധ്യമ പ്രവർത്തകർക്കിടയിൽ കോവിഡ്-19 വ്യാപിക്കുന്ന സാഹചര്യത്തിൽ മാധ്യമപ്രവർത്തകർ ആരോഗ്യ മുൻകരുതൽ മാനദണ്ഡങ്ങൾ നിർബന്ധമായി പാലിക്കണമെന്ന് കേന്ദ്ര വാർത്താവിതരണ പ്രക്ഷേപണ മന്ത്രാലയം.
വാർത്തകൾ റിപ്പോർട്ട് ചെയ്യുന്നതിനായി കോവിഡ്-19 മേഖലകളിലും അതിതീവ്രബാധിതമേഖലകളിലും ഉൾപ്പെടെ രാജ്യത്തിന്റെ പല ഭാഗത്തും യാത്രചെയ്യുന്പോൾ മാധ്യമപ്രവർത്തകർ ആരോഗ്യ സംരക്ഷണത്തിന് വേണ്ട മുൻകരുതലുകൾ സ്വീകരിക്കണമെന്ന് മന്ത്രാലയം നിർദേശിച്ചു.
വാർത്തകൾ റിപ്പോർട്ട് ചെയ്യുന്ന റിപ്പോർട്ടർമാരും കാമറാമാൻമാരും ഫോട്ടോഗ്രാഫർമാരും അടക്കം എല്ലാവരും ഇത് പാലിക്കണം.
മാധ്യമപ്രവർത്തകർ മുൻകരുതൽ മാനദണ്ഡങ്ങൾ പാലിക്കണം: കേന്ദ്രം
05:08 PM Apr 23, 2020 | Deepika.com