സൗദിയിൽ കൊറോണ രോഗം ബാധിച്ച് മരിക്കുന്ന ഇന്ത്യക്കാരുടെ എണ്ണം വർധിക്കുന്നു. ഇതുവരെ മലയാളികൾ ഉൾപ്പെടെ പത്ത് ഇന്ത്യക്കാരാണ് രോഗം ബാധിച്ച് മരിച്ചത്. ഇതിൽ രണ്ട് എൻജിനീയർമാരും ഉൾപ്പെടും. ഞായറാഴ്ച മാത്രം അഞ്ച് പേർ സൗദിയിൽ മരിച്ചു.ആയിരം പേർക്ക് കൂടി രോഗം സ്ഥിരീകരിച്ചു.
മക്ക, മദീന ഉൾപ്പെടെയുള്ള പ്രധാന നഗരങ്ങളിലാണ് കൂടുതൽ മരണം റിപ്പോർട്ട് ചെയ്യുന്നത്. രാജ്യത്തെ ലേബർ ക്യാന്പുകളിൽ പരിശോധന നടത്തി ആളുകളെ സുരക്ഷിത കേന്ദ്രത്തിലേക്ക് മാറ്റുന്നത് തുടരുകയാണ്.
സൗദിയിൽ 9,362 പേർക്കാണ് കോവിഡ് സ്ഥിരീകരിച്ചിരിക്കുന്നത്. ഇതിൽ 1,398 പേർക്ക് രോഗം ഭേദമായി. സൗദിയിൽ 97 പേരാണ് കോവിഡ് ബാധിച്ച് മരിച്ചത്.
സൗദിയിൽ കോവിഡ് ബാധിച്ച് മരിച്ചത് പത്ത് ഇന്ത്യക്കാർ
07:17 PM Apr 20, 2020 | Deepika.com