കേരളത്തിൽ കോവിഡ് പ്രതിരോധത്തിൽ കാസർഗോഡ് ജില്ലയിലെ പ്രവർത്തനങ്ങളെയും അതിനു ചുക്കാൻ പിടിച്ച സംസ്ഥാന സർക്കാരിനെയും വാനോളം പുകഴ്ത്തി കേന്ദ്ര ആരോഗ്യ മന്ത്രാലയം. കടുത്ത വെല്ലുവിളികൾ നേരിട്ട് കോവിഡ് വ്യാപനം പിടിച്ചുനിർത്തിയ കാസർഗോഡിന്റെ പ്രവർത്തനം പ്രശംസനീയവും മാതൃകാപരവുമാണെന്നു കേന്ദ്ര ആരോഗ്യ മന്ത്രാലയം ജോയിന്റ് സെക്രട്ടറി ലാവ് അഗർവാൾ പറഞ്ഞു.
കഴിഞ്ഞ ദിവസങ്ങളിൽ കോവിഡ് പ്രതിരോധത്തിൽ കേരളം നടത്തുന്ന മെച്ചപ്പെട്ട പ്രകടനങ്ങൾ കേന്ദ്രം കാണുന്നില്ലേയെന്ന ചോദ്യത്തിനു വരുംദിവസങ്ങളിൽ അക്കാര്യം വിവരിക്കാമെന്നു പറഞ്ഞതിനു പിന്നാലെയാണ് ലാവ് അഗർവാൾ ഇന്നലെ കാസർഗോഡിനെ മാത്രമായി അഭിനന്ദിച്ചത്.
മാതൃക പ്രവർത്തനങ്ങളുടെ പേരിൽ ആഗ്ര, വഡോദര എന്നിവയെ പ്രകീർത്തിച്ചപ്പോഴും മന്ത്രിതല സമിതിയിൽ മികച്ച പ്രകടനമെന്ന് പ്രധാനമന്ത്രി ഉൾപ്പടെയുള്ളവർ ഉത്തർപ്രദേശിനെയും യോഗി ആദിത്യനാഥിനെയും പ്രശംസിച്ചപ്പോഴും ലോകശ്രദ്ധയാകർഷിച്ച കേരളത്തിന്റെ മൊത്തത്തിലുള്ള പ്രവർത്തനത്തെ വിലയിരുത്താൻ കേന്ദ്രം തയാറായിരുന്നില്ല.
സെബി മാത്യു
കാസർഗോഡ് ഹീറോയെന്ന് കേന്ദ്രം
05:22 PM Apr 19, 2020 | Deepika.com