എയർ ഇന്ത്യ അന്താരാഷ്ട്ര സർവീസുകൾ ജൂൺ ഒന്നിനേ പുനരാരംഭിക്കൂ. ഗൾഫിലും മറ്റുമുള്ള ഇന്ത്യക്കാർക്ക് ഉടനേ തിരിച്ചുവരാമെന്ന പ്രതീക്ഷ ഇതോടെ ഇല്ലാതായി.
ആഭ്യന്തര സർവീസുകൾ മേയ് നാലിനു ഭാഗികമായി പുനരാരംഭിക്കും. ചുരുക്കം റൂട്ടുകളിലേ തുടക്കത്തിൽ സർവീസ് ഉണ്ടാകൂ. മാർച്ച് 25-നു ലോക്ക് ഡൗൺ തുടങ്ങിയതു മുതൽ എയർ ഇന്ത്യ സർവീസ് നടത്തുന്നില്ല. ഏപ്രിലിൽ സർവീസ് ഒന്നും ഉണ്ടാകില്ലെന്ന് ഏപ്രിൽ മൂന്നിന് അറിയിച്ചിരുന്നു.
ലോക്ക് ഡൗൺ അവസാനിക്കുന്പോഴും വ്യാപകമായി സർവീസുകൾ നടത്തില്ല. അതിനാൽ തെരഞ്ഞെടുത്ത റൂട്ടുകളിൽ മാത്രമേ മേയ് നാലുമുതൽ ബുക്കിംഗ് അനുവദിക്കൂ എന്ന് എയർ ഇന്ത്യ അറിയിച്ചു.
എയർ ഇന്ത്യ അന്താരാഷ്ട്ര സർവീസ് ജൂണിൽ മാത്രം
05:11 PM Apr 19, 2020 | Deepika.com