രാജ്യത്തെ പ്രധാനപ്പെട്ട മെട്രോ നഗരമായ മുംബൈയിൽ കോവിഡ് അതിവേഗം വ്യാപിക്കുന്നു. മുംബൈയിൽ കോവിഡ് ബാധിച്ചവരുടെ എണ്ണം രണ്ടായിരം കടന്നു. പുതുതായി 107 പേർക്ക് കൂടി കോവിഡ് സ്ഥിരീകരിച്ചതോടെ ആകെ കേസുകളുടെ എണ്ണം 2,043 ആയി ഉയർന്നു.
ഏഷ്യയിലെ ഏറ്റവും വലിയ ചേരിയായ ധാരാവിയിലെ സ്ഥിതിയും ഗുരുതരമായി തുടരുകയാണ്. ഇവിടെ ഇന്നലെ 26 പേർക്കാണ് കോവിഡ് സ്ഥിരീകരിച്ചത്. ഇതോടെ എട്ട് ലക്ഷം ആളുകൾ തിങ്ങിപ്പാർക്കുന്ന ധാരാവിയിലെ കൊറോണ ബാധിതരുടെ എണ്ണം 86 ആയി.
ഒമ്പതു പേർ ഇവിടെ കോവിഡ് ബാധിച്ച് മരിക്കുകയും ചെയ്തു. കഴിഞ്ഞ ആറ് ദിവസത്തിനുള്ളിലാണ് മുംബൈ നഗരത്തിൽ ആയിരം പുതിയ കേസുകൾ റിപ്പോർട്ട് ചെയ്യപ്പെട്ടത്. ഇതുവരെ മുംബൈയിൽ 116 പേരാണ് മരിച്ചത്.
മുംബൈയിൽ കോവിഡ് ബാധിച്ചവരുടെ എണ്ണം രണ്ടായിരം കടന്നു
05:48 PM Apr 17, 2020 | Deepika.com