കേരളത്തിൽ വ്യാഴാഴ്ച ഏഴു കോവിഡ് കേസുകൾ കൂടി. കണ്ണൂർ നാല്, കോഴിക്കോട് രണ്ട്, കാസർഗോഡ് ഒന്ന് എന്നിങ്ങനെയാണ് ഇന്നത്തെ കേസുകൾ. ഇതിൽ അഞ്ചുപേർ വിദേശത്തുനിന്ന് വന്നവരാണ്. രണ്ടുപേർക്കു സന്പർക്കത്തിലൂടെയാണു രോഗം പിടിപെട്ടതെന്നും മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു.
സംസ്ഥാനത്ത് ഇന്ന് 27 പേർക്ക് പരിശോധനാ ഫലം നെഗറ്റീവായി. കാസർഗോഡ് 24, എറണാകുളം, മലപ്പുറം, കണ്ണൂർ എന്നിവിടങ്ങളിൽ ഒന്നുവീതവുമാണ് ഫലം നെഗറ്റീവായത്.
സംസ്ഥാനത്ത് ആകെ 394 പേർക്കാണ് രോഗം സ്ഥിരീകരിച്ചത്. ഇതിൽ 147 പേർ ചികിത്സയിലാണ്. സംസ്ഥാനത്ത് 88,885 പേരാണ് നിരീക്ഷണത്തിലുള്ളത്. വീടുകളിൽ 88,332 പേർ നിരീക്ഷണത്തിൽ കഴിയുന്നുണ്ട്. ആശുപത്രിയിൽ കഴിയുന്നത് 532 പേരാണ്.
ഇന്ന് മാത്രം 108 പേരെ ആശുപത്രിയിൽ പ്രവേശിപ്പിച്ചു. ഇതുവരെ 17,400 സാന്പിളുകളാണ് പരിശോധനയ്ക്ക് അയച്ചത്. ഇതിൽ16,459 എണ്ണം രോഗബാധയില്ലെന്ന് ഉറപ്പാക്കി. രോഗം സ്ഥിരീകരിച്ചവരുടെ എണ്ണത്തിന്റെ മൂന്നരട്ടിയലധികമാണ് രോഗ മുക്തി നേടിയവരുടെ എണ്ണമെന്നും മുഖ്യമന്ത്രി അറിയിച്ചു.
കേരളത്തിൽ ഏഴുപേർക്ക് കൂടി കോവിഡ്; അഞ്ചുപേർ വിദേശത്തുനിന്ന് വന്നവർ
08:16 PM Apr 16, 2020 | Deepika.com