കോവിഡ് 19യെ തുടർന്നു പ്രതിസന്ധിയിലായ രാജ്യങ്ങളെ സഹായിക്കാൻ ഐഎംഎഫ് രംഗത്ത്. ഒരു ട്രില്ല്യണ് ഡോളര് ലോകരാജ്യങ്ങൾക്ക് അടിയന്തര സാമ്പത്തിക സഹായമായി അനുവദിക്കുമെന്ന് ഐഎംഎഫ് മേധാവി ജോര്ജീവിയ വ്യക്തമാക്കി.
ലോകം ഇതുവരെ കാണാത്ത പ്രതിസന്ധിയാണ് നാം ഇപ്പോള് നേരിടുന്നത്. ആഗോള സാമ്പത്തിക മാന്ദ്യത്തിനുശേഷം ഇതാദ്യമായാണ് ലോക സമ്പദ് വ്യവസ്ഥയില് ഇത്തരമൊരു പ്രതിസന്ധി ഉടലെടുത്തിരിക്കുന്നതെന്നും അദ്ദേഹം പറഞ്ഞു.
പ്രതിശീര്ഷ വരുമാനം കൂടുമെന്ന് ഐഎംഎഫ് കരുതിയ 170 രാജ്യങ്ങള് വലിയ സാമ്പത്തിക പ്രതിസന്ധിയിലേക്കാണ് പോവുന്നത്. ആഗോളതലത്തില് മൊത്ത ആഭ്യന്തര ഉത്പാദനത്തില് മൂന്ന് ശതമാനം വരെ ഇടിവാണ് നിലവില് പ്രതീക്ഷിക്കുന്നത്. ഇത് ഇനിയും കുറയാന് സാധ്യതയുണ്ടെന്നും ജോര്ജീവിയ കൂട്ടിച്ചേർത്തു.
കോവിഡ്: ലോകരാജ്യങ്ങൾക്ക് ഒരു ട്രില്ല്യൺ ഡോളറിന്റെ സഹായവുമായി ഐഎംഎഫ്
12:17 PM Apr 16, 2020 | Deepika.com