ഒമ്പതു സംസ്ഥാനങ്ങളിലേക്ക് ഉന്നത സംഘത്തെ അയച്ചെന്ന് കേന്ദ്ര ആരോഗ്യമന്ത്രാലയം. മഹാരാഷ്ട്ര, തമിഴ്നാട്, തെലുങ്കാന തുടങ്ങിയ സംസ്ഥാനങ്ങളിലേക്ക് പത്തു സംഘങ്ങളായാണ് ഇവരെ അയച്ചത്. കൊറോണ പ്രതിരോധ പ്രവർത്തനത്തിൽ പ്രദേശിക നേതൃത്വത്തെ ഇവർ സഹായിക്കുമെന്നും കേന്ദ്ര ആരോഗ്യ വകുപ്പ് ജോയിന്റ് സെക്രട്ടറി ലുവ് അഗര്വാള് അറിയിച്ചു.
49,000 വെന്റിലേറ്ററുകൾ നിര്മിക്കാന് കരാർ നൽകിയിട്ടുണ്ട്. കോവിഡ് രോഗികളെ പരിചരിക്കുമ്പോൾ അണിയുന്ന വ്യക്തിഗത സുരക്ഷാ വസ്ത്രങ്ങൾ (പിപിഇ) 1.7 കോടി എണ്ണത്തിന് ഓർഡർ നൽകിയിട്ടുണ്ട്. 20 തദ്ദേശീയ ഉത്പാദകരാണ് സുരക്ഷാവസ്ത്രങ്ങളുണ്ടാക്കുന്നതെന്നും അദ്ദേഹം പറഞ്ഞു.
5,000 റെയിൽവേ കോച്ചുകളിൽ 80,000 നിരീക്ഷണ കിടക്കകൾ തയാറാണെന്നും അഗര്വാള് കൂട്ടിച്ചേർത്തു.
ഉന്നതസംഘം ഒമ്പത് സംസ്ഥാനങ്ങളിലേക്ക്; 49,000 വെന്റിലേറ്ററിന് കരാർ നൽകിയെന്ന് കേന്ദ്രം
07:41 PM Apr 09, 2020 | Deepika.com