ഫിലിപ്പീൻസിൽ മാസ്ക് ധരിക്കാതെ പുറത്തിറങ്ങിയയാളെ പോലീസ് വെടിവച്ചു കൊന്നു. കോവിഡ് മുൻകരുതൽ നിർദേശങ്ങൾ ലംഘിച്ചതിന് ഒരാളെ വെടിവച്ചുകൊല്ലുന്ന ലോകത്തെ ആദ്യ സംഭവമാണിത്.
മാസ്ക് ധരിക്കാതെ പുറത്തിറങ്ങുകയും ഉദ്യാഗസ്ഥനെ മൂർച്ചയേറിയ പണിയായുധം കൊണ്ട് ആക്രമിക്കാൻ ശ്രമിക്കുകയും ചെയ്തയാളെയാണു വെടിവച്ചുവീഴ്ത്തിയതെന്ന് പോലീസ് ശനിയാഴ്ച അറിയിച്ചു. ഇയാൾ മദ്യപിച്ചിരുന്നതായി സൂചനയുണ്ട്.
കോവിഡ് പ്രതിരോധത്തിന്റെ ഭാഗമായി ഫിലിപ്പീൻസിൽ ഒരു മാസത്തേക്കാണു ലോക്ഡൗണ് ഏർപ്പെടുത്തിയിട്ടുള്ളത്. ക്വാറന്റൈൻ വ്യവസ്ഥകൾ ലംഘിക്കുന്നവരെ വെടിവച്ചുകൊല്ലാൻ ഫിലിപ്പീൻസ് പ്രസിഡന്റ് റോഡിഗ്രോ ഡ്യൂറ്റേർട്ടെ പോലീസിനും പട്ടാളത്തിനും അനുവാദം നൽകിയിരുന്നു.
മാസ്ക് ധരിക്കാതെ പുറത്തിറങ്ങിയയാളെ ഫിലിപ്പീൻസിൽ പോലീസ് വെടിവച്ചു കൊന്നു
07:29 PM Apr 06, 2020 | Deepika.com