കോവിഡ് ബാധിതരുടെ എണ്ണം ബ്രിട്ടനിൽ വൻതോതിൽ വർധിക്കുന്നതിനിടെ രാജ്യത്തെ അഭിസംബോധന ചെയ്ത് എലിസബത്ത് രാജ്ഞി. കോവിഡ് പോരാട്ടം ജയിക്കുമെന്ന് പ്രത്യാശ പ്രകടിപ്പിച്ച രാജ്ഞി ആത്മവിശ്വാസത്തോടെ ഈ പ്രതിസന്ധിയെ തരണം ചെയ്യേണ്ടതുണ്ടെന്നും ഓർമിപ്പിച്ചു. ടെലിവിഷനിലൂടെയാണ് രാജ്ഞി രാജ്യത്തെ അഭിസംബോധന ചെയ്തത്.
കൊട്ടാരത്തിലെ ജീവനക്കാരനും ചാൾസ് രാജകുമാരനും കോവിഡ് ബാധ സ്ഥിരീകരിച്ചതോടെ വിൻസർ കൊട്ടാരത്തിലാണ് എലിസബത്ത് രാജ്ഞി ഇപ്പോഴുള്ളത്. ഇവിടെ വച്ച് മുൻകൂട്ടി ചിത്രീകരിച്ച വീഡിയോയും ശബ്ദ സന്ദേശവും ടെലിവിഷൻ, റേഡിയോ എന്നീ മാധ്യമങ്ങളിലൂടെ സംപ്രേക്ഷണം ചെയ്യുകയായിരുന്നു.
അതീവ മുൻകരുതലോടെയും സുരക്ഷാ സന്നാഹങ്ങളോടെയുമായി വീഡിയോ ചിത്രീകരിച്ചത്. നമ്മൾ വീണ്ടും കാണും എന്ന് പറഞ്ഞാണ് രാജ്ഞി തന്റെ വാക്കുകൾ അവസാനിപ്പിച്ചത്.
കോവിഡിനെ ഒറ്റക്കെട്ടായി അതിജീവിക്കും; രാജ്യത്തെ അഭിസംബോധന ചെയ്ത് എലിസബത്ത് രാജ്ഞി
04:58 PM Apr 06, 2020 | Deepika.com