സംസ്ഥാനത്ത് കോവിഡ്-19 രോഗ വ്യാപനം പിടിച്ചുനിർത്താൻ കഴിയുന്നതായി മുഖ്യമന്ത്രി പിണറായി വിജയൻ. ഒറ്റക്കെട്ടായ പരിശ്രമത്തിലൂടെയാണ് രോഗ വ്യാപനത്തെ തടയാൻ നമുക്ക് കഴിയുന്നതെന്നും അദ്ദേഹം പറഞ്ഞു.
പ്രതിദിന വാർത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. രോഗവ്യാപനം ഉണ്ടാകാതിരിക്കുക വൈറസ് ബാധിച്ചവരെ ചികിത്സിച്ച് ഭേദമാക്കുക പുതിയ വ്യാപന സാധ്യതകൾ അടയ്ക്കുക ഇതാണ് കേരളത്തിന്റെ നമ്മുടെ നയമെന്നും അദ്ദേഹം അറിയിച്ചു.
കോറോണ വൈറസ് ബാധിച്ച് ചികിത്സയിലുണ്ടായിരുന്ന വൃദ്ധദമ്പതികളുടെ രോഗം ഭേദമായ സംഭവത്തിൽ ആരോഗ്യപ്രവർത്തകരെ മുഖ്യമന്ത്രി അഭിനന്ദിച്ചു. കേരളത്തിന്റെ ആരോഗ്യ സംവിധാനത്തിന്റേയും ആരോഗ്യ പ്രവർത്തകരുടേയും മികവ് ആണ് ഈ നേട്ടത്തിന് ഇടയാക്കിയത്. ആരോഗ്യപ്രവർത്തകരെ കലവറയില്ലാതെ അഭിനന്ദിക്കുന്നതായി അദ്ദേഹം പറഞ്ഞു.
കോവിഡ് വ്യാപനം പിടിച്ചുനിർത്താൻ സംസ്ഥാനത്തിന് സാധിക്കുന്നു: മുഖ്യമന്ത്രി
08:02 PM Apr 03, 2020 | Deepika.com