രാജ്യത്ത് കോവിഡ്-19 ബാധിച്ച് 56 പേർ മരിച്ചതായി കേന്ദ്ര ആരോഗ്യ മന്ത്രാലയം. കഴിഞ്ഞ 24 മണിക്കൂറിനിടെ മൂന്നു പേർ മരിക്കുകയും പുതുതായി 336 പേർക്ക് വൈറസ് ബാധ സ്ഥിരീകരിക്കുകയും ചെയ്തതായും ആരോഗ്യ മന്ത്രാലയം അറിയിച്ചു.
രാജ്യത്ത് ആകെ കൊറോണ ബാധിതരുടെ എണ്ണം 2,301 ആയി. ഇതിൽ 157 പേർ രോഗവിമുക്തി നേടി. ഇന്ത്യയിൽ ഏറ്റവും കൂടുതൽ കോവിഡ് 19 രോഗികൾ ഉള്ളത് മഹാരാഷ്ട്രയിൽ ആണ്. 335 പേർക്കാണ് ഇവിടെ രോഗബാധ സ്ഥിരീകരിച്ചിട്ടുള്ളത്. തമിഴ്നാട്ടിൽ 309 പേർക്കും കേരളത്തിൽ 286 പേർക്കും ഡൽഹിയിൽ 219 പേർക്കും കൊറോണ ബാധ സ്ഥിരീകരിച്ചിട്ടുണ്ട്.
മഹാരാഷ്ട്രയിലാണ് ഏറ്റവും കൂടുതൽ പേർ മരിച്ചത്. 16 പേരാണ് മഹാരാഷ്ട്രയിൽ മരിച്ചത്. ഗുജറാത്തിൽ ഏഴ് പേരും മധ്യപ്രദേശിൽ ആറ് പേരും പഞ്ചാബിൽ നാല് പേരും കോവിഡ് ബാധിച്ചു മരിച്ചു. കേരളത്തിൽ രണ്ട് പേരാണ് കൊറോണ മൂലം മരിച്ചത്.
രാജ്യത്ത് കോവിഡ് മരണം 56 ആയി; 24 മണിക്കൂറിനിടെ രോഗം സ്ഥിരീകരിച്ചത് 336 പേർക്ക്
03:44 PM Apr 03, 2020 | Deepika.com