സംസ്ഥാനത്ത് ഞായറാഴ്ച 20 പേർക്ക് കൂടി കോവിഡ്-19 സ്ഥിരീകരിക്കപ്പെട്ടു. ഇതോടെ സംസ്ഥാനത്ത് രോഗബാധിതരുടെ എണ്ണം 200 കടന്നു. കേരളത്തില് 202 പേര്ക്കാണ് ഇതുവരെ രോഗബാധ സ്ഥിരീകരിച്ചത്. നിലവില് 181 പേരാണ് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്.
കണ്ണൂരിൽ എട്ട് പേർക്കും കാസർഗോട്ട് ഏഴ് പേർക്കുമാണ് ഇന്ന് രോഗം സ്ഥിരീകരിച്ചത്. എറണാകുളം, തിരുവനന്തപുരം, തൃശൂർ, പാലക്കാട്, മലപ്പുറം എന്നീ ജില്ലകളിൽ ഒരോരുത്തർക്കും രോഗം സ്ഥിരീകരിച്ചു.
പുതുതായി രോഗം സ്ഥിരീകരിച്ചവരിൽ 18 പേരും വിദേശത്തുനിന്നും എത്തിയവരാണ്. രണ്ട് പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. എറണാകുളം ജില്ലയിലെ ഒരു ആരോഗ്യ പ്രവര്ത്തകനും രോഗം സ്ഥിരീകരിച്ചു. ഹെൽത്ത് ഇൻസ്പെക്ടർക്കാണ് രോഗം സ്ഥിരീകരിച്ചത്.
പത്തനംതിട്ട ജില്ലയില് ചികിത്സയിലായിരുന്ന നാല് പേരുടെ പരിശോധനാഫലം നെഗറ്റീവായി. സംസ്ഥാനത്തെ വിവിധ ജില്ലകളിലായി 1,41,211 പേര് നിരീക്ഷണത്തിലാണ്. ഇവരില് 1,40,618 പേര് വീടുകളിലും 593 പേര് ആശുപത്രികളിലും നിരീക്ഷണത്തിലാണ്.
രോഗലക്ഷണങ്ങള് ഉള്ള 6,690 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 5,518 സാമ്പിളുകളുടെ പരിശോധനാ ഫലം നെഗറ്റിവ് ആണ്.
സംസ്ഥാനത്ത് 20 പേർക്ക് കൂടി കോവിഡ്-19 സ്ഥിരീകരിച്ചു
07:37 PM Mar 29, 2020 | Deepika.com