കോവിഡ്-19യുടെ പശ്ചാത്തലത്തിൽ സംസ്ഥാനത്തെ മദ്യശാലകൾ അടച്ചതിനെ തുടർന്നു ഡി അഡിക്ഷൻ സെന്ററുകൾ ശക്തിപ്പെടുത്തുമെന്ന് മുഖ്യമന്ത്രി പിണറായി വിജയൻ. മദ്യശാലകൾ നിലവിലെ സാഹചര്യത്തിൽ തുറക്കാൻ സാധിക്കില്ല. അമിത മദ്യാസക്തിയുള്ളവർ ഡി അഡിക്ഷൻ സെന്ററുകളെ സമീപിക്കാമെന്നും മുഖ്യമന്ത്രി പറഞ്ഞു.
ഇന്ന് സംസ്ഥാനത്ത് ഒരു യുവാവ് മദ്യം ലഭിക്കാത്തതുമൂലം ജീവനൊടുക്കിയത് സർക്കാരിന്റെ ശ്രദ്ധയിൽപെട്ടിട്ടുണ്ടെന്നും അദ്ദേഹം പറഞ്ഞു.
ഡി അഡിക്ഷൻ സെന്ററുകൾക്കായി കത്തോലിക്കാസഭ അവരുടെ സ്ഥാപനങ്ങൾ വിട്ടുതരാമെന്ന് പറഞ്ഞിട്ടുണ്ട്. ഇത് സ്വാഗതാർഹമാണെന്നും മുഖ്യമന്ത്രി കൂട്ടിച്ചേർത്തു.
ഡി അഡിക്ഷൻ സെന്ററുകൾ ശക്തിപ്പെടുത്തുമെന്ന് മുഖ്യമന്ത്രി
08:25 PM Mar 27, 2020 | Deepika.com