അമേരിക്കയിൽ കൊറോണ ബാധിച്ച് മരിച്ചവരുടെ എണ്ണം 1,000 കടന്നു. നിലവിൽ 1,032 പേരാണ് കൊറോണ ബാധിച്ച് മരിച്ചത്. ബുധനാഴ്ച മാത്രം 247 പേർ കൊറൊണ മൂലം മരിച്ചിരുന്നു.
അമേരിക്കയിൽ ഇതിനോടകം 68,489 പേർക്ക് കൊറോണ സ്ഥിരീകരിച്ചു. കഴിഞ്ഞ രണ്ട് ദിവസമായി പതിനായിരത്തിലധികം ആളുകൾക്കാണ് കൊറോണ സ്ഥിരീകരിച്ചത്.
67,063 പേർ ചികിത്സയിലാണ്. ഇതിൽ 1,455 ഗുരുതരാവസ്ഥയിലാണ്. 394 പേർ രോഗവിമുക്തി നേടി. സ്പെയിൻ കഴിഞ്ഞാൽ യുഎസിലാണ് കൂതുതൽ മരണം നടന്നത്.
കൊറോണ മരണത്തിൽ ചൈനയെ മറികടന്ന് സ്പെയിൻ രണ്ടാം സ്ഥാനത്തെത്തിയിരുന്നു. ഏഴായിരത്തോളം പേർ മരിച്ച ഇറ്റലിയാണ് ഒന്നാം സ്ഥാനത്ത്.
അമേരിക്കയിൽ കൊറോണ മരണം 1,000 കടന്നു
08:04 PM Mar 26, 2020 | Deepika.com