കൊറോണ വൈറസ് ബാധ സ്ഥിരീകരിച്ചു കോട്ടയം മെഡിക്കൽ കോളജ് ആശുപത്രിയിൽ കഴിയുന്ന കോട്ടയം തിരുവാർപ്പ് ചെങ്ങളം സ്വദേശികളായ ദന്പതികൾ രോഗവിമുക്തരായി. മാർച്ച് എട്ടിനു മെഡിക്കൽ കോളജ് ആശുപത്രിയിൽ പ്രവേശിപ്പിക്കപ്പെട്ട ഇവരുടെ ആദ്യ നാലു സാന്പിളുകളുടെയും പരിശോധനാ ഫലം പോസിറ്റീവായിരുന്നു.
മാർച്ച് 18, 20 തീയതികളിൽ ശേഖരിച്ച സാന്പിളുകളാണ് നെഗറ്റീവാണെന്നു കണ്ടെത്തിയിട്ടുള്ളത്. പത്തനംതിട്ട ജില്ലയിൽ ആദ്യമായി രോഗം ബാധിച്ചവരുമായി സന്പർക്കം പുലർത്തിയതിനെത്തുടർന്നാണ് ദന്പതികൾക്കു വൈറസ് ബാധയുണ്ടായത്.
ഇവരുടെ ബന്ധുക്കളാണു ചെങ്ങളത്തെ ദന്പതികൾ. ആദ്യ സാന്പിൾ പരിശോധനയിൽത്തന്നെ രോഗബാധയില്ലെന്നു സ്ഥിരീകരിച്ചതിനെത്തുടർന്ന് ഇവരുടെ കുട്ടിയെ നിരീക്ഷണത്തിൽനിന്ന് ഒഴിവാക്കിയിരുന്നു. കുട്ടി മാതാപിതാക്കൾക്കൊപ്പം ആശുപത്രിയിൽ തുടരുകയാണ്.
കോട്ടയത്തെ ദന്പതികൾ രോഗവിമുക്തരായി
07:12 PM Mar 26, 2020 | Deepika.com