രാജ്യത്തെ കൊറോണ ബാധിതരുടെ എണ്ണം 114 ആയി. വൈറസ് ബാധ സംശയിച്ചിരുന്ന മൂന്ന് കേസുകൾ കൂടി സ്ഥിരീകരിച്ചതോടെയാണ് ഇത്. കേന്ദ്ര ആരോഗ്യമന്ത്രാലയ ജോയിന്റ് സെക്രട്ടറി ലാവ് അഗർവാളാണ് ഇക്കാര്യം വ്യക്തമാക്കിയത്.
ഒഡീഷ, ജമ്മുകാഷ്മീർ, ലഡാക്ക് എന്നിവിടങ്ങളിലായാണ് ഇന്ന് മൂന്ന് കേസുകൾ സ്ഥിരീകരിച്ചത്. കേരളത്തിൽ നിന്നുള്ള ഏറ്റവും പുതിയ വിവരങ്ങൾ ലഭിക്കാനുണ്ടെന്നും അദ്ദേഹം പറഞ്ഞു.
114 പേർക്ക് രോഗം സ്ഥിരീകരിച്ചതിൽ 13 പേരുടെ രോഗം ഭേദമായെന്നും അഗർവാൾ അറിയിച്ചു. രാജ്യത്ത് ഇതുവരെ രണ്ടു പേരാണ് കൊറോണ വൈറസ് ബാധയേത്തുടർന്ന് മരണത്തിനു കീഴടങ്ങിയത്.
രാജ്യത്തെ കൊറോണ ബാധിതരുടെ എണ്ണം 114 ആയി
08:21 PM Mar 16, 2020 | Deepika.com