കോവിഡ് 19 രോഗഭീതി പടരുന്ന സാഹചര്യത്തിൽ രാജ്യത്തെ ജയിലുകൾ സുരക്ഷിതമാണോ എന്ന ചോദ്യമുയർത്തി സുപ്രീംകോടതി രംഗത്ത്. ചീഫ് ജസ്റ്റീസ് എസ്.എ.ബോബ്ഡെയാണ് സുപ്രധാന ചോദ്യമുന്നയിച്ചത്.
ജയിലുകളിൽ പരിധിയിലധികം തടവുകാർ കഴിയുന്ന സാഹചര്യമുണ്ടെന്ന് നിരീക്ഷിച്ച കോടതി ഇവരുടെ സുരക്ഷയിൽ ആശങ്ക രേഖപ്പെടുത്തി. തടവുകാരുടെ സുരക്ഷ ഉറപ്പാക്കണമെന്ന് നിർദ്ദേശിച്ച് സുപ്രീംകോടതി ചീഫ് സെക്രട്ടറിമാർക്ക് നോട്ടീസ് അയച്ചു.
ജയിലുകളിൽ കോവിഡ് 19 ബാധയുണ്ടായാൽ നിരവധി പേരിലേക്ക് രോഗം പടരാൻ സാധ്യതയുണ്ട്. ഇക്കാര്യം മുന്നിൽ കണ്ട് അടിയന്തര നടപടികൾ സ്വീകരിക്കണം. ജയിലുകളുടെ നിരവാരം ഉയർത്താൻ ഇതൊരു അവസരമായി എടുത്തുകൂടെ എന്ന് കോടതി ചോദിച്ചു.
ജയിലുകളുടെ ശേഷി ഉയർത്താനും പരിധിയിൽ അധികം ആളുകളെ കുത്തിനിറയ്ക്കുന്നത് ഒഴിവാക്കാനും ഈ അവസരം ഉപയോഗപ്പെടുത്തണമെന്നും കോടതി നിരീക്ഷിച്ചു.
കോവിഡ് 19: രാജ്യത്തെ ജയിലുകൾ സുരക്ഷിതമാണോയെന്ന് സുപ്രീംകോടതി
03:13 PM Mar 16, 2020 | Deepika.com