ഇറ്റലിയിൽ നിന്നു കേരളത്തിലെത്തിയ ഇറ്റാലിയൻ പൗരന് കോവിഡ് വൈറസ് കണ്ടെത്തിയ പശ്ചാത്തലത്തിൽ ഇയാൾ സഞ്ചരിച്ച റൂട്ട് മാപ്പ് പ്രസിദ്ധീകരിച്ചു. ഫെബ്രുവരി 27 ന് തിരുവനന്തപുരം എയർപോർട്ടിൽ വന്നിറങ്ങിയതു മുതലുള്ള റൂട്ട് മാപ്പാണ് പ്രസിദ്ധീകരിച്ചത്.
രാവിലെ 10.30ന് ആഭ്യന്തര ടെർമിനലിൽ വന്നിറങ്ങിയ ഇറ്റാലിയൻ പൗരൻ ടാക്സിയിൽ പ്ലാൻ ബീച്ച് റിസോർട്ടിലെത്തി. തുടർന്ന് വർക്കലയിലെ മണി എക്സേഞ്ച് സെന്ററിലെത്തി. പിന്നീട് ഡാർലീഫിംഗ് കഫേയിലെത്തി. വർക്കല സുപ്രഭാതം റസ്റ്ററന്റിലായിരുന്നു എല്ലാ ദിവസവും പ്രഭാതഭക്ഷണം കഴിച്ചത്. കേരളത്തിലെത്തിയ കഴിഞ്ഞ 27 മുതൽ ഉച്ചഭക്ഷണം കഴിച്ചത് വർക്കല അബാ റെസ്റ്റോറന്റിലായിരുന്നു. ക്ലഫോർട്ടി റസ്റ്റോറന്റിലായിരുന്നു വൈകുന്നേരത്തെ ഭക്ഷണം.
ഫെബ്രുവരി 29 ന് ഡി.ജെ പാർട്ടിലും പങ്കെടുത്തു. ജോഷി സൂപ്പർ മാർക്കറ്റ്, സിറ്റി മെഡിക്കൽസ് എന്നിവിടങ്ങളിലും എത്തി. പല തവണ ട്രാറ്റോറിയ റെസ്റ്റോറന്റിൽ നിന്നും ഭക്ഷണം കഴിച്ചു. പാരിപ്പള്ളി ആശുപത്രിയിൽ മാർച്ച് 10 ന് ഒരു സുഹൃത്തിനൊപ്പം ഓട്ടോറിക്ഷയിലെത്തി. 13 നാണ് ഇയാൾക്ക് കൊറോണയെന്നു പരിശോധനാ ഫലം ലഭിച്ചത്.
കോവിഡ് 19 സ്ഥിരീകരിച്ച ഇറ്റാലിയൻ പൗരൻ സഞ്ചരിച്ച റൂട്ട് മാപ്പ് പ്രസിദ്ധീകരിച്ചു
01:38 PM Mar 16, 2020 | Deepika.com