കോവിഡ്-19 ബാധിച്ച ബ്രിട്ടീഷ് പൗരന് കയറിയ എമിറേറ്റ്സ് വിമാനത്തിലെ യാത്രക്കാരുടെ പരിശോധനയ്ക്ക് ശേഷം വിമാനം പുറപ്പെട്ടു. ബ്രിട്ടിഷ് പൗരനും ഭാര്യയും ഉൾപ്പെടെ 20 പേരെ ഒഴിവാക്കിയാണ് വിമാനം പുറപ്പെട്ടത്.
19 അംഗ സംഘം ഒഴികെയുള്ള യാത്രക്കാരെ കൊണ്ടുപോകാൻ വിമാനക്കമ്പനി തയാറാകുകയായിരുന്നു. ഒരു യാത്രക്കാരൻ സ്വമേധയാ ഒഴിവായി. വിമാനത്താവളം അടയ്ക്കേണ്ട സാഹചര്യം ഇല്ലെന്ന് മന്ത്രി സുനില് കുമാറും പറഞ്ഞു.
ബ്രീട്ടീഷ് പൗരൻ വിമാനത്തിനുള്ളിൽ കയറിയശേഷമാണ് ആരോഗ്യ വകുപ്പ് ഉദ്യോഗസ്ഥർക്ക് ഇയാൾക്ക് കൊറോണ വൈറസ് സ്ഥിരീകരിച്ചതായുള്ള റിപ്പോർട്ട് ലഭിച്ചത്. ഉടൻതന്നെ അധികൃതർ വിമാനത്താവളത്തിലേക്ക് വിവരം കൈമാറുകയായിരുന്നു.
തുടർന്ന് ബ്രിട്ടീഷ് പൗരൻ ഉൾപ്പെടെ 19 പേരടങ്ങുന്ന സംഘത്തെ പോലീസ് വിമാനത്തിൽ നിന്നും തിരിച്ചിറക്കി.
പരിശോധനയ്ക്കു ശേഷം ദുബായ് വിമാനം പുറപ്പെട്ടു; 20 യാത്രക്കാരെ ഒഴിവാക്കി
03:37 PM Mar 15, 2020 | Deepika.com