മതപരമായ ഉപദേശം എന്ന പേരിലാണ് ഐഎസ് തീവ്രവാദികൾക്കിടയിൽ കൊറോണ ബോധവത്കരണം നടത്തുന്നത്. ഇതു സംബന്ധിച്ച നിർദേശങ്ങൾ ഐഎസിന്റെ ഒൗദ്യോഗിക പത്രമായ അൽ-നാബയിൽ പ്രസിദ്ധീകരിച്ചതായി മാധ്യമങ്ങൾ റിപ്പോർട്ട് ചെയ്യുന്നു. മതപരമായ നിരവധി പരാമർശങ്ങൾ ഐഎസ് പുറത്തുവിട്ട കുറിപ്പിലുണ്ടെന്ന് ഇസ്ലാമിക് സ്റ്റേറ്റിന്റെ കുറിപ്പ് വിവർത്തനം ചെയ്ത ബ്രിട്ടീഷ് സ്പെഷലിസ്റ്റ് അയ്മൻ ജവാദ് അൽ-തമിമി പറഞ്ഞു.
ഐഎസ് സാന്നിധ്യം ഇപ്പോഴുമുള്ള ഇറാക്കിൽ 79 കൊറോണ കേസുകളാണ് ഇതുവരെ റിപ്പോർട്ട് ചെയ്യപ്പെട്ടിരിക്കുന്നത്. എന്നാൽ സിറിയയിൽ ഇതുവരെ കേസുകളൊന്നുമില്ല. പശ്ചിമേഷ്യയിൽ ഇറാനെയാണു കൊറോണ ഏറ്റവും ഭീകരമായി ബാധിച്ചിരിക്കുന്നത്. 9,000 പേർക്കു കോവിഡ്-19 ബാധിച്ചതിൽ 354 മരണങ്ങൾ റിപ്പോർട്ട് ചെയ്തു.