കോവിഡ്-19 വൈറസ് മൂലം വിമാനങ്ങൾ റദ്ദാക്കിയതിനെ തുടർന്ന് ഇറ്റലിയിൽ കുടുങ്ങിയ 218 ഇന്ത്യക്കാരെ നാട്ടിലെത്തിച്ചു. 211 ഇന്ത്യൻ വിദ്യാർഥികളും മറ്റു ഏഴ് ഇന്ത്യക്കാരും അടങ്ങുന്ന സംഘമാണ് എയർ ഇന്ത്യ വിമാനത്തിൽ ഞായറാഴ്ച രാവിലെ ഡൽഹിയിൽ എത്തിയത്.
ദുഷ്കരമായ ഈ സാഹചര്യത്തിൽ തങ്ങളെ സഹായിച്ച എയർഇന്ത്യ ടീമിനും ഇറ്റാലിയൻ അധികാരികൾക്കും പ്രത്യേകം നന്ദി പറയുന്നതായി മിലാനിലെ ഇന്ത്യൻ കോൺസുലേറ്റ് അറിയിച്ചു. വടക്കൻ ഇറ്റലിയിലുള്ള എല്ലാ ഇന്ത്യക്കാരുടെയും ക്ഷേമം ഉറപ്പാക്കാൻ കോൺസുലേറ്റ് തുടരുമെന്നും അധികൃതർ ട്വീറ്റ് ചെയ്തു.
ഡൽഹിയിൽ എത്തിയവരെ 14 ദിവസത്തേക്ക് ഐസൊലേറ്റ് ചെയ്യും. മഹാമാരി പടർന്നതിനെ തുടർന്ന് ഇറ്റലിയിൽ നിന്നും വിമാന സർവിസുകളെല്ലാം നിർത്തിവെച്ചിരിക്കുകയാണ്. ലോകാരോഗ്യ സംഘടന കോവിഡ്-19നെ മഹാമാരിയായി പ്രഖ്യാപിച്ചിരുന്നു. യൂറോപ്പാണ് ഇപ്പോഴത്തെ വൈറസിന്റെ പ്രഭവകേന്ദ്രം.
ഇറ്റലിയിൽ കുടുങ്ങിയ വിദ്യാർഥികൾ ഉൾപ്പെടുന്ന സംഘത്തെ നാട്ടിലെത്തിച്ചു
02:51 PM Mar 15, 2020 | Deepika.com