ജീവനക്കാരന് കൊറോണ വൈറസ് ബാധ സംശയിച്ചതോടെ ബംഗളൂരുവിലെ ഇൻഫോസിസിന്റെ ഒരു ഓഫീസ് അടച്ചു. ജീവനക്കാരോട് വീടുകളിൽ ഇരുന്ന് ജോലി ചെയ്യാനാണ് നിർദേശിച്ചിരിക്കുന്നത്.
കൊറോണ വൈറസ് ബാധിച്ച ആളുമായി ജീവനക്കാരിൽ ഒരാൾ ബന്ധപ്പെട്ടെന്ന് വിവരം ലഭിച്ചതോടെയാണ് ഇയാൾ ജോലി ചെയ്ത കെട്ടിടം അടച്ചിടാൻ തീരുമാനിച്ചത്. ജീവനക്കാരുടെ സുരക്ഷയ്ക്കായാണ് തീരുമാനമെന്ന് കമ്പനി അറിയിച്ചു.
കർണാടകയിൽ ഇതുവരെ ആറു പേർക്കാണ് കൊറോണ വൈറസ് ബാധ സ്ഥിതീകരിച്ചത്. ഇതിൽ അഞ്ച് എണ്ണം പേർ ബംഗളൂരു സ്വദേശികളാണ്. ഇതിൽ മൂന്നു പേർ ഐടി സ്ഥാപനത്തിൽ ജോലി ചെയ്യുന്നവരാണ്.
കൊറോണ: ബംഗളൂരുവിലെ ഇൻഫോസിസിന്റെ കെട്ടിടം ഒഴിപ്പിച്ചു
03:01 PM Mar 14, 2020 | Deepika.com