കൊറോണ സാധാരണക്കാരെ മാത്രമല്ല അധികാര കേന്ദ്രങ്ങളെയും ആശങ്കയിലാഴ്ത്തി. ഏറ്റവും ഒടുവിൽ ഈ പട്ടികയിൽ ഉൾപ്പെട്ടിരിക്കുന്നത് ഓസീസ് ആഭ്യന്തരമന്ത്രി പീറ്റർ ഡട്ടനാണ്. വാഷിംഗ്ടണിൽ ഈയിടെ ഒരു മീറ്റിംഗിൽ പങ്കെടുത്ത് ഓസ്ട്രേലിയയിൽ തിരിച്ചെത്തിയ ഡട്ടൺ തന്നെയാണ് തനിക്കു രോഗബാധയുണ്ടെന്ന് സ്ഥിരീകരിച്ചത്. വാഷിംഗ്ടണിൽ ഇവാങ്ക ട്രംപുമായും അറ്റോർണി ജനറൽ വില്ല്യം ബാറുമായും ഡട്ടൺ കൂടിക്കാഴ്ച നടത്തിയിരുന്നു.
ഇതിനിടെ പ്രസിഡന്റ് ട്രംപുമായി അദ്ദേഹത്തിന്റെ ഫ്ളോറിഡ റിസോർട്ടിൽ കൂടിക്കാഴ്ച നടത്തിയ ബ്രസീൽ പ്രസിഡന്റ് ബൊൽസനാരോയുടെ സംഘത്തിലുണ്ടായിരുന്ന ഫാബിയോ എന്ന ഉദ്യോഗസ്ഥന് കൊറോണ സ്ഥിരീകരിച്ചു.
ബൊൽസനാരോയും ടെസ്റ്റിനു വിധേയനായെന്നും റിസൽട്ട് നെഗറ്റീവാണെന്നും അദ്ദേഹത്തിന്റെ പുത്രൻ പറഞ്ഞു .റിസൽട്ട് പൊസിറ്റീവാണെന്നു നേരത്തെ ചില മാധ്യമങ്ങൾ റിപ്പോർട്ടു ചെയ്തിരുന്നു. പ്രസിഡന്റ് ട്രംപ് ടെസ്റ്റ് നടത്തിയിട്ടില്ലെന്നും അദ്ദേഹത്തിന്റെ ആരോഗ്യനിലയിൽ കുഴപ്പമില്ലെന്നും വൈറ്റ് ഹൗസ് കഴിഞ്ഞദിവസം വ്യക്തമാക്കിയിരുന്നു.ഹോളിവുഡ് നടൻ ടോം ഹാങ്ക്സും ഭാര്യയും കൊറോണ ബാധിച്ച് ഓസ്ട്രേലിയയിലെ ആശുപത്രിയിൽ ഐസോലേഷനിലാണ്, ബ്രിട്ടനിലെ ആരോഗ്യമന്ത്രി ഡോറീസിനു നേരത്തെ രോഗം സ്ഥിരീകരിച്ചിരുന്നു.
ഇറാനിൽ ഖമനയ്യുടെ ഉപദേഷ്ടാവ് രോഗം ബാധിച്ചു മരിച്ചു. അവിടെ മന്ത്രിമാരും വൈസ് പ്രസിഡന്റും ഉൾപ്പെടെ നിരവധി രാഷ്ട്രീയ നേതാക്കൾ ചികിത്സയിലാണ്.
ഹോളിവുഡ് നടൻ ടോം ഹാങ്ക്സും ഭാര്യയും കൊറോണ ബാധിച്ച് ഓസ്ട്രേലിയയിലെ ഗോൾഡ് കോസ്റ്റിലെ ആശുപത്രിയിൽ ഐസോലേഷനിലാണ്. കനേഡിയൻ പ്രധാനമന്ത്രി ജസ്റ്റിൻ ട്രൂഡോ സ്വയം ക്വാറന്റൈനിൽ പോയി. ഭാര്യയ്ക്ക് കൊറോണ സ്ഥിരീകരിച്ചതിനെത്തുടർന്നാണിത്.
കൊറോണഭീതിയിൽ ലോകനേതാക്കളും
12:30 PM Mar 14, 2020 | Deepika.com