ബഹറിനിൽ രണ്ടു മലയാളികൾക്കു കോവിഡ്-19 സ്ഥിരീകരിച്ചു. സ്വകാര്യ ആശുപത്രിയിലെ നഴ്സുമാരാണ് ഇരുവരും. ഇവർ ഉൾപ്പെടെ മൂന്ന് ഇന്ത്യക്കാർക്കാണ് കോവിഡ് സ്ഥിരീകരിച്ചത്. മൂവരെയും ഐസൊലേഷൻ വാർഡിൽ പ്രവേശിപ്പിച്ചു.
കോവിഡ്-19 സ്ഥിരീകരിച്ചതിൽ ഒരാൾ കാസർഗോഡ് ജില്ലയിലെ മലയോര സ്വദേശിനിയാണെന്നാണ് വിവരം. ഇവരുടെ ഭർത്താവിന്റെയും മകളുടെയും സാമ്പിളുകൾ പരിശോധനയ്ക്കായി അയച്ചിട്ടുണ്ട്. രണ്ടാമത്തെയാൾ തിരുവനന്തപുരം സ്വദേശിനിയാണ്.
അതേസമയം, യുഎഇയിൽ 11 പേർക്ക് കോവിഡ്-19 സ്ഥിരീകരിച്ചു. ഇതോടെ രോഗബാധിതരുടെ എണ്ണം 85 ആയെന്ന് ആരോഗ്യമന്ത്രാലയം അറിയിച്ചു. പുതുതായി 24 പേർക്കുകൂടി രോഗം സ്ഥിരീകരിച്ചതോടെ സൗദിയിൽ കോവിഡ്-19 ബാധിതരുടെ എണ്ണം 45 ആയി.
ബഹറിനിൽ രണ്ടു മലയാളി നഴ്സുമാർക്കു കോവിഡ്-19
12:47 PM Mar 13, 2020 | Deepika.com