ന്യൂഡൽഹി: ഛത്തർപൂർ വടക്കിന്റെ മഞ്ഞനിക്കരയെന്നറിയപ്പെടുന്ന സെന്റ് ഗ്രിഗോറിയോസ് യാക്കോബായ സുറിയാനി പള്ളിയിൽ പ്രഥമ പ്രഖ്യാപിത പരിശുദ്ധനായ ചാത്തുരുത്തിൽ മോർ ഗ്രിഗോറിയോസ് തിരുമേനിയുടെ 120-ാം ഓർമ്മപ്പെരുന്നാളിനും, ഗ്രിഗോറിയൻ വചനോത്സവത്തിനും ഇന്നലെ ഇടവക വികാരി ഫാ എൽദോസ് കാവാട്ട് കൊടിയേറ്റി. നവംബർ 4,5 6 (വെള്ളി, ശനി, ഞായർ) തീയതികളിലാണ് ഇടവകയുടെ പ്രധാന പെരുന്നാൾ കൊണ്ടാടുക.
നാലാം തിയതി വെള്ളിയാഴ്ച വൈകിട്ട് 7ന് സന്ധ്യാപ്രാർഥനയും തുടർന്ന് ഗാനശുശ്രൂഷയും 7.45 നു ഫാ. റോജി മാത്യു ആമുഖ സന്ദേശം നൽകും. 8 മുതൽ സഫ് ദർജംങ് ജറുസലേം മാർത്തോമ പള്ളി വികാരി റവ. ഫാ. സാം ഏബ്രഹാം നയിക്കുന്ന വചന ശ്രുശ്രൂഷയും 9ന് ആശീർവാദ പ്രാർഥനയും നടക്കും.
അഞ്ചാം തിയതി ശനിയാഴ്ച വൈകിട്ട് 6ന് സന്ധ്യാപ്രാർഥനയും തുടർന്ന് ഗാനശുശ്രൂഷയും 7 കിംഗ്സ് വേ ക്യാന്പ് സെന്റ് തോമസ് യാക്കോബായ സുറിയാനി പള്ളി വികാരി ഫാ. എൽദോസ് വട്ടമറ്റത്തിൽ നയിക്കുന്ന വചന ശ്രുശ്രൂഷയും 8 മുതൽ ഇടവകയിലെ ഭക്തസംഘടനകളുടെ വാർഷികവും, ആശീർവാദ പ്രാർഥന നടക്കും.
പ്രധാന പെരുന്നാൾ ദിനമായ ആറാം തിയതി വൈകിട്ട് 5.30ന് സന്ധ്യാ നമസ്കാരവും, വി. കുർബാനയും, മധ്യസ്ഥ പ്രാർഥനയും ഫാ. സഖറിയ പൂവത്തിങ്കലിന്റെ പ്രധാന കാർമികത്വത്തിൽ അർപ്പിക്കും 7.15 മുതൽ പെരുന്നാൾ സന്ദേശവും, വിദ്യാഭ്യാസ അവാർഡ് ദാനവും,തുടർന്ന് റാസ, ആശിർവാദം, നേർച്ച, സ്നേഹവിരുന്നോടെ കൊടി ഇറക്കി പെരുന്നാളിനു സമാപനമാകും. ഇടവക സെക്രട്ടറി നെൽസണ് വർഗീസ്, ട്രസ്റ്റി ബിജി വി.എസ് എന്നിവർ പെരുന്നാൾ ക്രമീകരണണൾക്ക് നേതൃത്വം നൽകി വരുന്നു.
കൂടുതൽ വിവരങ്ങൾക്ക് നന്പർ 9873784444, 9213847271
പരുമല തിരുമേനിയുടെ ഓർമ്മപ്പെരുന്നാളിനും ഗ്രിഗോറിയൻ വചനോത്സവത്തിനും കൊടിയേറി
10:22 PM Oct 31, 2022 | Deepika.com